“Сен етим эмассан” республика жамоатчилик болалар жамғармаси Ўзбекистон қабул қилган қирғизистонлик қочқинларга 120 тонна миқдорида дастлабки инсонпарварлик ёрдамини жўнатди.
Жамғарманинг 12та КАМАЗ автомашинасига юкланган инсонпарварлик ёрдами озиқ-овқат, тиббий дорилар, ичимлик суви, кўрпа-тўшак ва бошқа зарурий нарсалардан иборат.
Эслатиш жоизки, жамғарма кўнгиллилари Андижон вилоятида ташкил этилган 45 та лагердаги қочқинларга бир неча кундан бери ёрдам бермоқда.
