Устозни хотирлаб

Friday, 10 March 2017 18:28
Written by Administrator
Category: Хабарлар
Hits: 1688

Германиянинг элчиси шайх ҳазратларининг хонадонига ташриф буюрди

Германиянинг Ўзбекистон Республикасидаги фавқулодда ва мухтор элчиси жаноб Найтҳарт Ҳёфер-Виссинг фазилатли шайх Муҳаммад Содиқ Муҳаммад Юсуф ҳазратларининг хонадонларига яна бир бор ташриф буюриб, меҳмон бўлди. Элчи жаноблари хонадон аҳли билан суҳбатда устозимиз шайх ҳазратларини эслаб, бу улкан жудолик муносабати билан оила аҳлига ҳамдардлик билдирди. Суҳбат давомида жаноб Найтҳарт Ҳёфер-Виссинг шайх ҳазратларининг дунё аҳлига Ислом динининг асл қиёфасини, мусулмон инсоннинг асл сиймосини танитишда қилган буюк хизматлари ҳақида сўзлади.

Суҳбат сўнгида Исмоил Муҳаммад Содиқ меҳмонга шайх Муҳаммад Содиқ Муҳаммад Юсуф ҳазратларига бўлган ҳурмат-эътибор учун ташаккур айтиб, ташриф учун миннатдорчилик билдирди.

Муҳтарам меҳмонимиз келгусида яна учрашиш ниятини билдириб, хайрлашиб, жўнаб кетди.

17.01 – Америкалик талаба қизлар ҳижоб ўради

Tuesday, 17 January 2017 10:55
Written by Administrator
Category: Хабарлар
Hits: 1900

Америка университетларидан бирида муслима талабаларни қўллаб қувватлаш мақсадида бошқа дин вакили бўлган талаба қизлар дарсга ҳижоб ўраб келишмоқда.

«Мана уч ҳафтадирки, қизлар ўз муслима дугоналарини қўллаб қувватлаш мақсадида дарсларга ўранган ҳолда келишмоқда. Бу ишлари билан улар Университет раҳбариятига муслима қизларга нисбатан турли хил тазйиқларни тўхтатишларини талаб қилишмоқда», дейди Университет ходимларидан бири.

Ушбу бағрикенглик тадбирида иштирок этаётган Сандра Сассер исмли насроний талаба қиз ўзининг бу ҳатти ҳаракатини: «Биз мусулмонлар билан умумий бир жамоамиз ва мен уларнинг эътиқодини ҳурмат қиламан», дея изоҳ берди.

Туркия маориф вазирлиги Дарвин назариясини мактаб дастуридан олиб ташлади

Tuesday, 17 January 2017 09:24
Written by Администратор
Category: Хабарлар
Hits: 3001

Туркия маориф вазирлиги Дарвин
назариясини мактаб дастуридан олиб ташлади

Вазир Исмат Юлдуз матбуот вакилларига шу йилги ўқув йили давомида кучга кирадиган янги ўқув дастурининг тафсилотлари ҳақида гапириб берди. Дастурга киритилган ўзгаришлардан бири катта синфлар учун мўлжалланган биология дарсликларидан эволюция назарияси ҳақидаги бобнинг олиб ташланишидир. Унинг ўрнига атроф-муҳитдаги шароитларнинг ирсий (генетик) ўзгаришларга таъсири ҳақидаги бўлим киритилган. Бу ўзгаришлар 2017 йилда кучга киради.

16.01 – Филипинда ислом динини ўрганиш оммалашиб бормоқда

Monday, 16 January 2017 10:35
Written by Administrator
Category: Хабарлар
Hits: 3682

«Усмон бин Аффон тараққиёт фонди» Филипинда мусулмон бўлмаганларга Исломни танитиш мақсадида шаҳар кўчаларида Ислом динига оид китоб ва рисолаларни тарқатмоқда.

Ташкилотнинг бу лойиҳаси ўзининг ижобий самарасини бериб, филипинликлар Ислом дини билан қизиқиб, Себу шаҳридаги Исломий марказига ташрифи кўпайган.

«	January 2020					»
Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

Янгиликлар