Буюк ватандошимиз асарининг тақдимоти

Буюк ватандошимиз асарининг тақдимоти

Бугун «Ҳилол нашр» нашриёти ҳамда Ислом.уз портали буюк ватандошимиз Ҳаким Термизийнинг қаламига мансуб «Сарахс аҳли сўраган масалалар» ва «Касбнинг баёни» номли рисолаларининг устозимиз шайх Муҳаммад Содиқ Муҳамммад Юсуф томонларидан амалга оширилган таржимасини тақдим этди.

Батафсил...

Севимли адибнинг янги китоби тақдимоти

Севимли адибнинг янги китоби тақдимоти

Бугун «Ҳилол-нашр» нашриётида Ўзбекистон халқ ёзувчиси Тоҳир Малик қаламига мансуб икки китобнинг тақдимоти бўлиб ўтди. Тақдим қилинган биринчи китоб адибнинг барчага маълум ва машҳур «Шайтанат» романининг қайта нашри бўлса, иккинчи китоб – янги чоп қилинган «Дока рўмол қачон қурийди» китобидир.

Батафсил...

Дин ва илм омонатдир

Бугун «Ҳилол-нашр» нашриёти ҳамда Ислом.уз порталида бугунги куннинг энг долзарб мавзуларидан бирига бағишланган «Дин ва илм омонатдир» номли илмий анжуман бўлиб ўтди.

Одатдагидек, анжуман Қуръон тиловати ва устозларнинг дуолари билан бошланди.

 

Бошловчи Нодирбек Хидиров анжуман аҳлини кириб келаётган Рамазони шариф билан муборакбод этиб, шундай деди:

«Аллоҳ субҳанаҳу ва таоло Қуръони Каримда марҳамат қилиб шундай деган:

«Биз бу омонатни осмонларга, ерга ва тоғларга таклиф қилдик. Улар уни кўтаришдан бош тортдилар ва ундан қўрқдилар. Уни инсон кўтарди».

Муфассир уламоларнинг фикрига кўра, ушбу ояти каримадаги омонатдан мурод дин ва унинг аҳкомларидир. Демак, Аллоҳ азза ва жалла томонидан инсон зотига топширилган энг буюк омонат бу диндир. Шубҳасиз, ҳар бир мусулмон банда ушбу омонатнинг аҳамиятини, қадр-қимматини англаб етиши, унинг ҳаққини адо қилиши ва муҳофаза қилиши лозим. Табиийки, дин омонатини сақлаш ва ҳимоя қилиш борасидаги асосий юк аввало уламолар, аҳли илмларнинг зиммасига тушади. Ислом умматининг солиҳ салафлари – саҳобалар, тобеъинлар, табаъ тобеъинлар ва улардан кейинги давр уламолари ушбу омонатни гўзал суратда муҳофаза қилиб, бор имкониятларини ишга солиб, бу йўлда жонларию молларини қурбон қилдилар ва бу улуғ омонатни кейинги авлодларга комил шаклда, ҳеч қандай нуқсонсиз етказдилар.

Ҳа, азизлар, дин инсон ҳаётидаги энг азиз неъматдир. У шундай улуғ омонатки, унинг номидан гапириш, аҳкомларини етказиш ҳамма учун ҳам рухсат этиладиган вазифа эмас. Дин номидан гапириш, шариат аҳкомларини тарқатиш ва даъват қилишнинг ўзига хос меъёрлари, шартлари бор. Шундай экан, Ислом номидан кимлар гапиришга ҳақли? Ислом номидан гапиришнинг масъулияти қандай? Техника тараққий этган ҳозирги даврда интернет саҳифалари ва ижтимоий тармоқларда дин аҳкомларини, диний маълумотларни тарқатиш ҳаммага ҳам жоизми? Жоиз бўлса, қай шаклда бўлиши керак ва бунинг масъулияти қандай? Онлайн тарзда фатво бериш, дарс бериш мумкинми? Мумкин бўлса, кимларга мумкин? Оммавий ахборот воситалари, интернет саҳифалари, ижтимоий тармоқларда диний маълумотларни тарқатиш борасида илм аҳлларининг ўзаро муносабати қандай бўлиши керак? Умуман, илм ва илм аҳлларига эҳтиром қандай бўлиши керак?

Шу ва шу каби саволларга бугунги анжуманимизда батафсил жавоб топиш мақсадида устозларимиз, домлаларимиз, устозимиз шайх Муҳаммад Содиқ Муҳаммад Юсуф ҳазратларининг баъзи ҳаммаслаклари ва шогирдларини таклиф қилганмиз. Аллоҳ азза ва жалла бошлаган ушбу анжуманимизнинг хайр-баракали бўлиши, ундан кўзлаган мақсадларимизга кутганмиздан-да ортиғи билан эришишимизни, Қиёмат куни солиҳ амалларимиз тарозисини босувчи амаллардан бўлишини насиб этсин!»

Дастлаб анжуман Тошкент шаҳар «Тўхтабой» масжиди имом хатиби устоз Исҳоқжон домла сўзга чиқиб, «Ислом номидан гапиришдаги омонатдорлик ва унинг масъулияти» мавзусида маъруза қилдилар.

Маълумки, мусулмон уламолар тарихда Ислом даъватини халқларга етказишнинг барча воситаларидан унумли фойдаланганлар. Ҳозирги кунда интернет тармоғи орқали маълумотнинг тез тарқалиши, уни бир сонияда ер юзидаги минглаб, балки миллионлаб одамларга етказиш мумкинлиги каби жиҳатлардан келиб чиқсак, интернет саҳифалари, ижтимоий тармоқлар Ислом чақириғини етказиш, исломий билимларни тарқатишда муҳим роль ўйнайди. Маълумки, мамлакатимиз ёшлари, халқимиз орасида ҳам ижтимоий тармоқлардан фойдаланувчилар сони йилдан йилдан кўпайиб бормоқда.

«Интернет ва ижтимоий тармоқларда маълумот тарқатиш ва унинг масъулияти» деб аталган навбатдаги маъруза билан Мубашшир Аҳмад домла сўз олиб, ушбу мавзуни ёритиб бердилар.

Анжуман мавзуси бўйича «Тинчлик» жомеъ масжиди имом-хатиби Алишер домла Дўнгбоев ҳам сўзга чиқиб, илм аҳлининг, уламоларнинг, толиби илмларнинг фазли уларнинг ҳам илмда, ҳам одобда барчага ўрнак ва намуна бўлишида экани, бугунги ёш авлодга илм билан бирга аввало одоб-ахлоқ ўргатиш лозимлиги ҳақида сўзладилар, жамиятимизда ва интернет оламидаги ижобий ўзгаришлар билан бир пайтда турли иллатлар ҳам кўзга ташланаётгани ҳақида гапириб, уларни бартараф қилиш йўлларини баён қилиб бердилар.

Биламизки, интернет тармоғи маълумотни эълон қилиш, бошқалар билан боғланиш борасида энг арзон воситалардан ҳисобланади. Зеро, диний маълумотларни етказиш, исломий фанлардан дарслар ўтиш, омманинг ёки толиби илмларнинг саволларига жавоб бериш учун алоҳида муассаса очиш ёки махсус газета ё журнал ташкил қилиш кўп меҳнат талаб қилади.

Шундай экан, шаръий жиҳатдан интернетда онлайн дарслар ташкил қилиш, турли диний ва маърифий саволларга онлайн жавоб бериш, фатво бериш мумкинми, йўқми? Бунинг қандай меъёр ва одоблари бор? Бу борада биздаги ҳолат қандай? Бу каби саволлар барчамизни қизиқтирган мавзудир.

Ушбу мавзуда Тошкент шаҳар «Мирза Юсуф» жомеъ масжиди имом-хатиби Раҳматуллоҳ домла Сайфуддинов сўз олиб, бугунги кунда интернетда авж олаётган турли туҳмату иғволарнинг асл мақсади нимадан иборат эканини, бунинг қанчалик хатарли иллат эканини айтиб ўтдилар, бу борада имомларимиз, дин ходимлари олдида турган вазифалар, бу каби нохушликларнинг олдини олиш чоралари ҳақида тўхталиб ўтдилар.

Бугунги анжуманнинг Рамазони шариф арафасида бўлиб ўтаётганининг ўзига хос ҳикмати бор. Зеро, Рамазонда қалбларимиз юмшайди, иймонимиз зиёда бўлади, ҳимматимиз ошиб, тоат-ибодатга ҳар қачонгидан кўпроқ машғул бўламиз, хатми Қуръонлар қиламиз ва табиийки, илм излаб, маърифат излаб, турли манбаларга, жумладан, интернетга мурожаат қиламиз. Аммо ҳар бир ишда бўлгани каби, бу борада ҳам устозларнинг йўлидан юрсак, уларга эргашсак, иншааллоҳ, хатолардан, гуноҳлардан холи бўламиз.

Анжуманимиз «Дин ва илм омонатдир» деб номланган экан, устозимиз, шайх Муҳаммад Содиқ Муҳаммад Юсуф ҳазратларининг бу борадаги шахсий ўрнаклари, ибратли ҳаёт йўллари барчамизга намуна бўлиши шубҳасиз. Анжуманимизда айтиб ўтилган муҳим нуқталар, билдирилган қимматли фикр-мулоҳазаларни умумлаштириб, уларга ўзига хос якуний хулоса ясаш мақсадида сўз навбати ношир Исмоилжон Муҳаммад Юсуфга берилди. Ҳамду сано ва салавотлардан сўнг Исмоилжон Муҳаммад Юсуф шундай дедилар:

«Муҳтарам устозлар, азиз меҳмонлар, барчангиз Рамазони шариф арафасида ўтказилаётган бугунги илмий анжуманимизга хуш келибсиз, қадамларингизга ҳасанот!

Устозимиз, падари бузрукворимиз шайх ҳазратлари ушбу илм-маърифат масканини айнан мана шундай илм мажлислари, хайру барака, илму ирфон давралари учун, юртимизда динимизнинг, илмнинг ривожига хизмат қилиши учун ташкил қилган эдилар.

Ҳазратимизнинг сафдошлари, шогирдлари, устозларимиз, аҳли илмлар, имом-хатиблар тўпланиб турган бугунги муборак жамланишга Аллоҳ субҳанаҳу ва таолодан Ўз раҳмати ва мағфиратини нозил қилишини, бу хайрли мажлис сабабидан устозимизнинг руҳлари шод айлашини илтижо қилиб сўраймиз!

Бугунги давра суҳбатини ташкил қилишдан ниятимиз аввало Аллоҳ таолонинг розилигини топишдир. Қолаверса, устозимиз бошлаб кетган гўзал анъанани давом эттириш, у зот қолдириб кетган улкан илмий меросни ўрганиш ва халқимизга етказиш мақсадида тўпланиб турибмиз.

Исломнинг ўн тўрт асрлик тарихи давомида уламоларимизнинг фидокорона меҳнати туфайли Ислом уммати Қуръон ва Суннат атрофида, соф ақийда, ҳақ мазҳаб атрофида бирлашиб, ҳақ йўлда ибодат қилиб келяпти.

Устозимиз шайх ҳазратлари ҳам етук олим, улуғ мутафаккир сифатида умрларини илм-маърифат, зиё тарқатишга бағишлаб, Исломга, Қуръонга, эл-юртга, халққа, Ватанга, барча мусулмонларга сидқидилдан хизмат қилдилар.

У зотнинг шиорларини бир эслайлик:

«Аҳли сунна ва жамоа мазҳаби асосида:

  • пок ақийда ва мусаффо Исломга интилиш;
  • Қуръон ва суннатни ўрганиб амал қилиш;
  • исломий маърифат таратиш;
  • салафи солиҳ – улуғ мужтаҳидларга эргашиш;
  • бағрикенглик ва биродарлик руҳини тарқатиш;
  • диний саводсизликни тугатиш;
  • ихтилоф ва фирқачиликка барҳам бериш;
  • мутаассиблик ва бидъат-хурофотларни йўқотиш

Шайх ҳазратлари ўз олдиларига қўйган бу улуғ мақсадга қанчалик эришганларига ҳар биримиз гувоҳмиз. Устозимиз бу шиорнинг ҳар бир бандига аввало ўзлари амал қилганлар, шогирдларини, яқинларини ҳам шунга чақирганлар. Бугунги анжуманнинг мавзусидан келиб чиқадиган бўлсак, устозимиз айниқса, бағрикенглик, биродарлик руҳини тиклаш, ихтилоф ва тафриқаларга барҳам беришда шахсий намуна кўрсатганлар. У киши ҳар бир инсонга бирор ақийдавий ёки фиқҳий мазҳаб вакили эмас, балки аввало мўмин, мусулмон, биродар сифатида қарар эдилар, унинг аввало иймонини, динини ҳурмат қилар эдилар. Одамларнинг қарашлари, фикрлари ҳазратникидан фарқ қилса ҳам, улар билан муомалада ҳеч қачон одоб чегарасидан чиқмас эдилар. Ҳеч кимнинг исмини ошкора айтиб айбламас эдилар. Ихтилофли қарашларда ҳам масаланинг моҳиятини баён қилардилар, аммо шахслар ҳақида тўхталмасдилар.

Шогирдларидан бири ҳазратнинг ҳузурларига келиб, бир одамнинг у кишига ноҳақ таъна қилганини айтиб, бунга раддия қилайликми деб сўраганида, ҳазрат «Сизнинг улар билан тортишишга вақтингиз борми? Менинг улар билан тортишишга вақтим йўқ» деб жавоб берганлар.

Фурсатдан фойдаланиб, эътиборингизни бир масалага қаратмоқчи эдим. Ҳозирги кунда энг кўп берилаётган саволлардан бири интернетда диний фаолият кўрсатаётган кишиларнинг кимлиги ҳақидаги саволлардир. Шахсан ўзимдан ҳам, «Зикр аҳлидан сўранг» ҳайъатидан ҳам кўпчилик «Фалон киши ҳақида нима дейсиз?», «Фалон киши ҳазратнинг шогирди экан, шу тўғрими?» деб тез-тез сўрашяпти. Маълумки, ҳазратнинг шогирдлари жуда кўп эди. Кимдир шахсан ўзларидан дарс олган, кимдир ғойибона, кимдир келиб, бир неча кун дарс олган, кимдир бир неча йил... Ҳазратнинг чет элларда ҳам шогирдлари бор. Уларнинг ичида араблар ҳам бор, руслар ҳам, турк, форс, чечен, доғистонликлар, хуллас турли миллат вакиллари бор. Улар ҳазратдан дарс олганлари туфайли ўзларини шогирд дейишлари мумкин, аммо аслида шайх ҳазратларининг манҳажларини маҳкам тутганларгина  у кишининг ҳақиқий шогирдлари ҳисобланади. Ҳазрат ўзлари ҳанафий мазҳабида эдилар, ва шу билан бирга фиқҳдаги барча мўътараф мазҳабларни баравар ҳурмат қилар эдилар. Ақийдада Мотуридий эдилар, аммо Ашъарийларни ҳам, бошқаларни ҳам чуқур ҳурмат қилардилар. Тасаввуфда Нақшбандия тариқатида эдилар. Шу билан бир қаторда барча ҳақиқий тасаввуф тариқатларини ҳам ҳурмат билан тилга олардилар.

Ҳазрат ҳар қандай олимни, барча аҳли илмларни жуда ҳурмат қилардилар, атрофларига жамлаб, тўғри панд-насиҳатлар берар, доимо улар билан маслаҳатлашар, ўзлари ҳам уларнинг маслаҳатларига қулоқ солар эдилар.

Бугунги кунда мана шу манҳажни маҳкам тутганларгина ўзларини ҳазратнинг ҳақиқий шогирди деб аташга ҳақлидирлар. Бу йўлдан четлашаётган, ихтилоф одобларига риоя қилмаётган, аҳли илмларга ярашмайдиган ҳолатга тушиб қолаётганларни ҳазратнинг ҳақиқий шогирдлари дея олмаймиз.

Кимки ихтилофларга қарши бўлса, тафриқаларни бартараф қилса, тарафларни ислоҳ қилсагина улуғ аждодларимизнинг, устозларимизнинг йўлини тутган бўлади. Бошқаларга ҳам шу манҳажни тутишни, унга қатъий риоя қилишни тавсия қиламиз.

Биз аввало ўзимизни ислоҳ қилайлик, ҳавойи нафсимизни жиловлаб, Аллоҳнинг бандалари билан, айниқса, олимлар, аҳли илмларга муносабатимизни, улар ҳақида айтаётган фикрларимизни тўғрилаб олайлик. Бу борада ҳам устозимиздан ўрнак олайлик.

Шайх ҳазратларининг аҳли илмларга муносабатлари барчамизга намуна эди. У киши уламолар, аҳли илмлар, толиби илмларга шундай ўзига хос, гўзал муомала қилар эдиларки, уларнинг ҳар бири «Ҳазратга энг яқин одам мен бўлсам керак» деб ўйлар эди. Ҳақиқатдан ҳам шундай эди, устозимиз ҳар бир аҳли илм учун энг яқин инсон эдилар. Баъзи одамлар фақат яхши ҳолатларини айтиб, нохуш ҳолатларни айтишмаса, ҳазрат бу ҳақда бошқалардан хабар топиб, кутилмаганда ўша одамдан ҳол-аҳвол сўраб қолардилар. Чунки уларни ўз яқинларидай кўрардилар, ҳолларидан доим хабар олардилар. Кимдир сал кўринмай қолса ёки бошига бирор иш тушганини эшитиб қолсалар, «Фалончи қани? Бориб, хабар олинглар, салом айтинглар» дер эдилар, дарҳол уларнинг ҳаққига дуо қилар эдилар.

Ўзлари ҳақиқий олим бўлганлари учун, «Зар қадрини заргар билади» деганларидек, илм аҳлига эътиборлари ниҳоятда юксак эди, уларни динни етказадиган одамлар сифатида қадрлар эдилар.

Биргина мисол. Ҳазратнинг яқин мухлисларидан бири котиблари Фозилжонга ўзидан кўра анча ёшлиги учун, яқин тутиб, муомалада бироз бемалол бўлганида, ҳазрат у кишининг ўзига, алоҳида «Бу йигит ўзи ҳали ёш бўлса ҳам, аҳли илмлардан, шунинг учун уни сизлаб муомала қилинг» деб насиҳат қилганлар.

Биз устозларимизнинг ана шундай юксак ахлоқларидан ўрнак олишимиз керак. Толиби илмнинг одобини, мунозара, муноқаша одобини ўргансак, унга амал қилсак, шунда бугунги кунда ўзаро муносабатларда, айниқса интернетда кузатилаётган тортишув, ихтилофлар, уламоларга туҳмат қилишлар барҳам топади. Чунки аҳли илмларга нафақат туҳмат қилиш, балки бироз беписанд муомала қилиш ҳам мумкин эмас. Аҳли илмларни ғийбат қилаётган, уларга туҳмат қилаётган, азият етказаётган илмсизлигидан шундай қилади. Шунингдек, ўзини илм аҳлига мансуб деб туриб, билиб-билмай фатво бераётган, одамларга турли айблар қўяётганлар аслида илмсиздир. Агар улар илмли бўлса, бундай қилишга Аллоҳдан қўрққан бўлишарди. Чунки Аллоҳ таоло Қуръони Каримда «Аллоҳдан бандалари ичида фақат олимларгина қўрқарлар», деган.

Шундай экан, ўзимизни аҳли илм деб санасак, Аллоҳдан қўрқайлик, бировларга азият етказмайлик.

Аслида ҳар биримиз ўзимизни маломат қилишимиз керак. Бугун дину диёнатдаги сустлигимизга, нуқсонларимизга турли баҳоналарни, шароит йўқлиги, имконият йўқлигини рўкач қиляпмиз. Аммо шайх ҳазратлари шароит йўқ деб қараб турмаганлар, бор имкониятдан фойдаланганлар, шароитни ўзлари яратганлар. Бирорта сабабни деб дин ишини, таълим ишини кечга сурмаганлар, тўхтатмаганлар.

Бугунги кунда очилаётган улкан имкониятлар динимиз, халқимиз, эл-юртимиз олдидаги, келажак авлод олдидаги масъулиятимизни янада оширяпти. Шунинг учун фитналарга, иғволарга чалғимай, динга, Қуръонга хизматни кучайтирайлик, устозларимиз бошлаган ишларни давом эттирайлик.

 

Аллоҳ таоло кириб келаётган моҳи Рамазоннинг шарофатидан барчамизнинг кўнглимиздан ғиллу ғашларни, гина-кудуратларни йўқотсин, қалбларимизни поклаб, бир-бирига улфат қилсин, чинакам исломий биродарлик руҳини ато этсин.

Азизлар, таклифимизни қабул қилиб, қимматли вақтингизни аямай, анжуманимизга ташриф буюрганингиз учун барчангизга ташаккурлар айтамиз.

Фурсатдан фойдаланиб, «Ҳилол-нашр» нашриёт-матбааси номидан, Ислом.уз портали номидан бутун ўзбек халқини, барча юртдошларимизни кириб келаётган Рамазони шариф билан муборакбод этамиз. Аллоҳ таоло бу муборак ойни юртимиз учун, бутун дунё мусулмонлари учун тинчлик-хотиржамлик, тоат-ибодат, тақво ойи, Қуръон ойи қилсин, иймон ҳаловатини, ибодат ҳаловатини насиб қилсин!

Аллоҳ таоло ушбу ойнинг баракоти ва шарофатидан барча мусулмонларни иймонда, ихлосда бардавом қилиб, қалбларини улфат қилсин!

Барчамизга аҳилликда, тинч-тотувликда яшашни, юртимизнинг, халқимизнинг, динимизнинг равнақи йўлида ҳамжиҳат бўлишни, яхшилик ва тақво йўлида ҳамкорлик қилишни насиб этсин. Омин!»

Шундан сўнг анжуманга ташриф буюрган азиз меҳмонлар – Ўзбекистон мусулмонлар идораси маслаҳатчиси Абдулҳамид Турсунов, «Ҳазрати Али» жомеъ масжиди имом-хатиби Салоҳиддин Абдуғаффор ўғли, Кувайт давлатининг Ўзбекистондаги элчихонаси ходими Зоҳиджон Қодиров, «Тинчлик» жомеъ масжиди имом-хатиби Алишер Дўнгбоев ҳамда «Ислом ота» жомеъ масжиди имом ноиби Ҳасанхон Яҳё Абдулмажид бугунги долзарб мавзуга оид ўз қарашларини, анжуманда сўзланган маърузаларга муносабатларини билдириб, фикр-мулоҳазаларини изҳор қилдилар. Абдулҳамид Турсунов анжуман қатнашчиларига ҳамда «Ҳилол-нашр» нашриёти ходимларига Ўзбекистон мусулмонлар идораси раиси, муфтий Усмонхон Алимовнинг Рамазон табригини ҳамда эзгу дуоларини етказдилар.

Тадбир сўнггида ушбу хайрли тадбир муносабати билан ўқилган хатми Қуръон якунига етказилиб, анжуман холис дуолар билан якунланди.

«Дин ва илм омонатдир» номли илмий анжумани ҳақидаги тўлиқ видеолавҳани яқин кунларда порталимизда томоша қилишингиз мумкин.

 

 

Батафсил...

«Ҳилол-нашр»дан Рамазон туҳфалари

«Ҳилол-нашр»дан Рамазон туҳфалари

Муборак Рамазон ойи яқинлашган сари Аллоҳ таолонинг мўмин-мусулмон бандаларига раҳмати, лутфу карами тобора кўпайиб бораверади. «Ҳилол-нашр» матбаа-нашриёти ҳамда Ислом.уз порталида ҳам Рамазон туҳфалари мавсуми бошланиб кетди. Қуръон ойи бўлмиш моҳи Рамазон арафасида юртдошларимизга икки гўзал туҳфа армуғон этилди.

Батафсил...

«Ҳилол-нашр» нашриёт-матбааси янги марказий савдо мажмуаси иш бошлади

«Ҳилол-нашр» нашриёт-матбааси янги марказий савдо мажмуаси иш бошлади

«Ҳилол-нашр» нашриёт-матбаа мажмуаси марказий савдо мажмуасининг янги биноси қуриб, фойдаланишга топширилди. Бугун, 2017 йил 21 январь куни ушбу иншоотнинг очилиш маросими бўлиб ўтди.
Очилиш маросимига Ўзбекистон мусулмонлари диний идораси, Вазирлар Маҳкамаси ҳузуридаги Дин ишлари бўйича қўмита,

Батафсил...

Якуний мавлид маросими ва «Ислом.Уз-1437» танлови ғолиблари (видео)

Якуний мавлид маросими ва «Ислом.Уз-1437» танлови ғолиблари (видео)

Бугун «Ҳилол-нашр» нашриёт-матбааси ҳамда Ислом.уз портали томонидан рабиъул аввал ойи муносабати билан «Қалбимиз, ҳаётимиз Сиз ила, ё Расулаллоҳ!» шиори остида ўтказиб келинаётган мавлид анжуманларининг якуний маросими бўлиб ўтди.

Батафсил...

Якуний мавлид маросими

Якуний мавлид маросими

Бугун «Ҳилол-нашр» нашриёт-матбааси ҳамда Ислом.уз портали томонидан рабиъул аввал ойи муносабати билан «Қалбимиз, ҳаётимиз Сиз ила, ё Расулаллоҳ!» шиори остида ўтказиб келинаётган мавлид анжуманларининг якуний маросими бўлиб ўтди.

Батафсил...

«Ҳалол очиқ ойдиндир ҳаром очиқ ойдиндир» ҳамда «Дин насиҳатдир» китобларининг тақдимоти (видео)

«Ҳилол-нашр» нашриёт-матбааси томонидан чоп этилган «Исломнинг мадори бўлган ҳадислар» туркумининг сўнгги икки китоби - «Ҳалол очиқ ойдиндир ҳаром очиқ ойдиндир» ҳамда «Дин насиҳатдир» китобларининг тақдимоти

Батафсил...

Янги китоблар тақдимоти

Янги китоблар тақдимоти

Бугун «Ҳилол-нашр» нашриёт-матбааси томонидан чоп этилган «Исломнинг мадори бўлган ҳадислар» туркумининг сўнгги икки китоби - «Ҳалол очиқ ойдиндир ҳаром очиқ ойдиндир» ҳамда «Дин насиҳатдир» китобларининг тақдимоти бўлиб ўтди.

Батафсил...
RSS тасмасига обуна бўлиш