Германияда янги исломий маданият марказини қуриш режалаштирилмоқда, қурилиш ишлари 2022 йилда якунланади. Кёлнда бош қароргоҳи жойлашган Исломий маданият марказлари иттифоқи (VIKZ) яқинда бўлиб ўтган матбуот анжуманида янги Исломий маданий-маърифий марказ лойиҳасини тақдим этди. Бу ҳақида mynet.com сайти хабар бермоқда.
Бангладешда Дакка шаҳри яқинида барпо этилган Тож-Маҳалнинг кичрайтирилган нусхаси оммалашиб бормоқда. Айниқса, ҳақиқий Тож-Маҳални бориб кўришга имкони йўқ камбағал аҳоли ва ўрта синф вакиллари бу жойни жуда хуш кўрадилар, деб хабар беради Scroll.in.
Европа комиссиясининг Биринчи вице-президенти Франс Тиммерманснинг Европа имомлари билан 28 март кунги учрашувини Европа Иттифоқига (ЕИ) аъзо олти давлат – Белгия, Болгария, Германия, Италия, Нидерландия ва Франция олқишлади.
Эронда ўтказилаётган Қуръони Карим мусобақаси ташкилотчилари раҳбари Ҳамид Собир Фарзам беллашувнинг охирги босқичи 27 апрелда Машҳад шаҳрида бошланишини маълум қилди.
Фазилатли шайх Муҳаммад Содиқ Муҳаммад Юсуф ҳазратларининг улкан илмий мероси Россиядаги меҳнат муҳожирлари ўртасида олиб бориладиган маърифий ишлар учун асос қилиб олинадиган бўлди. Москвада Халқаро исломий миссия қароргоҳида бўлиб ўтган «Москвадаги муҳожирлар: бугунги муаммолар ва уларни ечиш йўллари» деб номланган давра суҳбатида шу ҳақда айтилди.
Саудия Арабистонида муқаддас Замзам қудуғини таъмирлаш лойиҳаси якунига етмоқда. Лойиҳа Ҳаж ва Умра зиёратчиларига хизмат кўрсатишни яхшилаш ҳамда Замзам қудуғини қайта тиклаш мақсадида амалга оширилмоқда. Лойиҳани амалга ошириш учун режада етти ой мухлат берилган эди.
Шу йилнинг 15 апрель куни Саудия Арабистонида Араб давлатлари лигаси саммити бўлиб ўтади. У аввал режалаштирилганидек, пойтахтда эмас, мамлакат шарқидаги Дахран шаҳрида ўтказилади.
Қирғизистон ҳукумати диний таълимни ўз назоратига олди. 2017 йили ўтказилган кенг миқёсли текширувлар давомида Қирғизистонда еттита мадраса ёпилган, яна 23 та исломий таълим муассасалари огоҳлантириш олган.
Эфиопия тарихида биринчи марта мусулмон киши бош вазир бўлди. Al Jazeera нинг хабар беришича, кутилмаганда истеъфо берган Хайлемариам Десаленя ўрнига Абий Аҳмад ўтирди. Таъкидлаш жоиз, Абий Аҳмад Аддис-Абеба университети фан докторидир, уч тилда сўзлашади. У оромо қабиласи вакили бўлиб, илгари мазкур қабиладан ҳеч ким бу қадар юқори лавозимга кўтарилмаган эди.
Islam-today
Ҳиндистон ҳукумати «Бангладешдан келган ноқонуний муҳожирлар»ни мамлакатдан чиқариб юбориш ҳақида эълон қилинди. Энди Ассама штатида яшовчи 5 миллион атрофидаги мусулмон, агар 1971 йилгача ҳам шу ерда яшагани ҳақида ҳужжат тақдим эта олмаса, мамлакатдан чиқариб юборилиши мумкин.
