Кўнгли ярим болажонларни йўқлаб...

Кўнгли ярим болажонларни йўқлаб...

Бугун 14 июнь муборак Рамазон ойининг охирги кунида “Чимир ота” жоме масжиди имом-хатиби Юсуфхон домла Муҳиддинов, имом ноиби Абдулбосит қори Абдуллажонов, масжид мутаваллийси Баҳодир Каримов ва ҳисобчиси Оятуллоҳ Саидазимовлардан иборат жамоа Тошкент шаҳри Олмазор туманидаги 1-сонли меҳрибонлик уйига ҳайит байрами муносабати билан хайр-эҳсон ёрдамини кўрсатди.
Жумладан, болаларга турли ширинликлар, мазали ичимликлар, тагликлар ва ҳоказолардан иборат турли ҳадялар топширилди.
Бу хайрли ишга “Ўзбекистон-24” телеканали ходимлари ҳам ҳамроҳлик қилишди.  
Келтирилган инъомлардан болажонларнинг кўнгли тоғдек кўтарилди.

 

Батафсил...

Мусулмон уламолари Рамазоннинг қолган кунларини Фаластин ва Ал-Ақсо ҳаққига дуо қилишга чақиришди

Мусулмон уламолари Рамазоннинг қолган кунларини Фаластин ва Ал-Ақсо ҳаққига дуо қилишга чақиришди

Мусулмон уламоларининг халқаро иттифоқи шу муборак кунларда Фаластин ва ал-Ақсо ҳаққига дуои хайрлар қилишга чақиришди. Ташкилот баёнотида айтилишиса, “Фаластин халқи адолатли динимизни ҳимоя этаётганликлари ва ўзларини Аллоҳ йўлида қурбон қилаётганликлари сабабли уларнинг ҳаққига дуолар қилмоғимиз лозим”. Шу билан бир қаторда, Ислом олимлари минтақадаги араб мамлакатлари раҳбарларидан ўз юртларида сиёсий-иқтисодий, ижтимоий ва гуманитар соҳаларида ислоҳотлар ўтказишга чақиришди.

Батафсил...

Муборак Рамазон ҳайити арафасида 226 киши авф этилди

Муборак Рамазон ҳайити арафасида 226 киши авф этилди

2018 йил 12 июнда Ўзбекистон Республикаси Президенти Шавкат Мирзиёев “Озодликдан маҳрум этиш жазосини ўтаётган, қилмишига чин кўнгилдан пушаймон бўлган ва тузалиш йўлига қатъий ўтган бир гуруҳ шахсларни афв этиш тўғрисида”ги Фармонни имзолади.
Фармонга мувофиқ илк маротаба муборак Рамазон ҳайити муносабати билан ҳамда Ўзбекистон Республикаси Конституциясининг 93-моддаси 23-бандига асосан билиб-билмай жиноят содир этган, ҳозирги вақтда қилмишига чин кўнгилдан пушаймон бўлган ва тузалиш йўлига қатъий ўтган озодликдан маҳрум этиш жазосини ўтаётган 226 нафар фуқаро афв этилди.
Афв этилган шахсларнинг 102 нафари жазодан тўлиқ озод қилинади, 71 нафари жазони ўташдан муддатидан илгари шартли озод қилинади, 39 нафарига тайинланган жазо енгилроқ жазо билан алмаштирилади, бошқача қилиб айтганда, 212 нафар шахс жазони ижро этиш муассасаларидан озод қилинади. Шунингдек, 14 нафар шахсга тайинланган озодликдан маҳрум этиш жазосининг муддатлари қисқартирилади.
Афв этилганларнинг 40 нафарини 60 ёшдан ошган шахслар, 39 нафарини чет эл фуқаролари, 37 нафарини аёллар, шунингдек, 51 нафарини тақиқланган ташкилотлар фаолиятида қатнашган шахслар ташкил этади.
Бу воқеа юртимизда олиб борилаётган инсонпарварлик сиёсатининг, халқимизга хос бағрикенглик, кечиримли бўлиш, олижаноблик ва меҳр-мурувват кўрсатиш каби эзгу фазилатларнинг муборак Рамазон ойида янада юксак намоён бўлганлигининг амалий ифодасидир.
Фармон ижроси юзасидан афв этилган шахсларни оиласи ва яқинлари бағрига қайтариш, ижтимоий ҳаётга мослашиб, фойдали меҳнат билан шуғулланишлари, соғлом турмуш тарзини йўлга қўйиб, жамиятда муносиб ўрин топишлари учун уларга кўмак бериш юзасидан масъул вазирлик ва идораларга тегишли топшириқлар берилди.

Манба: УзА

Батафсил...

Мусулмонлар китоби тақдирланди

Мусулмонлар китоби тақдирланди

Умар исмли болакай ва унинг Исломдаги ҳаёти ҳақидаги “Мусулмонлар” болалар китоби “Ёш исёнкорлар” адабиёт мукофотини қўлга киритди. Лондонда туғилиб ўсган Заниб Миан қаламига мансуб ушбу асар Умарнинг Исломдаги ҳаёти, ёш болакайнинг мусулмон бўлганлиги боис янги мактабдошлари томонидан таҳкирланиши ва шунга қарамай у Исломда, иймонда собитқадам бўлиши ва мусулмонлигидан фаҳрланиши тўғрисидаги ҳикоядир. “Бу жамиятда Ислом ва мусулмонлар ҳақида шаклланиб бораётган салбий дунёқарашдарга қарши жуда ажоийб ва самарали усулдир. Ушбу китобни имкон қадар кўпроқ болалар ўқишини тавсия этаман” дейди номзодлар ҳаками Патрис Лоуренс.

Батафсил...

Қирғизстонда қамбағаллар учун бепул уйлар

Қирғизстонда қамбағаллар учун бепул уйлар

Қирғизстондаги қурилиш ширкати фақирлар учун 35 хонадондан иборат уй қуришни режалаштирмоқда. Маъмурият хабар беришича, “Ҳашар” лойиҳасининг мақсади муҳтожларга зарур бўлган уйларни қуришдир. Ширкатдагилар: “Ҳозирги кунда кам таъминланган оилалар рўйхатини тузяпмиз. Фақир ва мискинлар, кўп болали оилалар ва ногиронлар, икки фарзандини ёлғиз катта қилаётган ота ёки оналар, нафақахўр ва интернат битирувчилари ариза топширишлари мумкин” деб маълум қилишди. Мазкур лойиҳани амалга ошириш учун талаб этилаётган 500-600 минг АҚШ долларни қисман ширкат, қолгани хайру-эҳсон йўли билан қопланиши кўзланмоқда.

Батафсил...

Дубайдаги ифтор Гиннесс рекордлар китобига кирди

Дубайдаги ифтор Гиннесс рекордлар китобига кирди

Муқаддас Рамазон ойида Дубайда улкан ифторлик ўтказилди. У дунёдаги ёзилган энг узун дастурхон бўлганлиги боис Гиннесс рекордлар китобига киритилди. Ифторликни ташкил этган Дубай полицияси мазкур тадбирни амалга ошириш учун 35 ресторан, 500 нафар кўнгилли давлат ходимини жалб этди. 6 км узунликдаги дастурхонни тайёрлашга 200 соат сарфланиб, унинг атрофида Хиндистон, Шри Ланка, Покистон, Хитой, Филлипин ва бошқа Осиё мамлакатларидан келган 12830 та муҳожир жам бўлди.

Батафсил...

Қирғизстондаги мих ишлатмай қурилган масжид

Қирғизстондаги мих ишлатмай қурилган масжид

Иссиқкўлнинг шимол шарқида жойлашган Қоракўл шаҳрида 20 чи аср бошида қад ростлаган Иброҳим Ҳожи масжиди бир дона мих ишлатмай қурилган. Бугунги кунга қадар, у ўз меъморий услуби билан маҳаллий аҳоли ва сайёҳларни лол қолдирмоқда. “Дунгон” деб аталмиш ушбу мажсиднинг бундай номланишига бу ерга 19 чи асрда Хитойдан кўчиб келган дунгон мусулмонлари сабабчи бўлишган. Хитойлик меъмор Чжоу-Сини бошчилигида масжид қурилиши уч йилда нихоясига етгач, у 1910 йилда нпмозхонлар учун ўз эшикларини очган.

Батафсил...

Чеченистонда улкан ифторлик бўлиб ўтади

Чеченистонда улкан ифторлик бўлиб ўтади

Чеченистон пойтахти Грозний шаҳрида 11 июнь куни улкан ифторлик бўлиб ўтиши кутилмоқда. Ушбу тадбирга Россия қаҳрамони Аҳмад Хожи Қодиров жамғармаси ҳомийлик қилмоқда. Ташкилот томонидан 2017 йилда уюштирилган ифторлиика 35 минг рўзадор келган.

Батафсил...

Умматнинг долзарб муаммолари ечими бўйича энг яхши ғоя муаллифи мукофот олади

Умматнинг долзарб муаммолари ечими бўйича энг яхши ғоя муаллифи мукофот олади

Ислом олам университетлари федерацияси (The Federation of the Universities of the Islamic World — FUIW) Ислом таълим, фан ва маданият масалалари бўйича ташкилоти ИСЕСКО (ISESCO) билан хамкорликда «Университет таълими Уммат ва унинг долзарб вазифалари хизматида» мавзуси бўйича энг яхши тадқиқот иши учун мукофот таъсис этди.
Иштирок этиш учун FUIWнинг университет-аъзолари таклиф этиладилар. Танловга юборилаётган иш замонавий Ислом ва мусулмонлар тарихида мусулмон университетларининг тутган ўрни масаласига ўзига ҳос ва замонавий қарашларни намоён этиши ва аввал ҳеч қаерда чоп этилмаган бўлиши лозим. Пул мукофоти миқдори ҳали маълум эмас.

Батафсил...
RSS тасмасига обуна бўлиш