Зараркунандалар

Зараркунандалар

Жониворлар орасида икки ҳашаротнинг уруғ қўйиш жараёни диққатингизни тортади. Пашшадан каттароқ ҳашарот пашшани тутиб олади. Ана ҳозир ейди, деб хаёл қилиб турсангиз, кичик пашшани қисиб олган бу йирик ҳашарот уни емайди. Питирлаётган пашша тинчиб қолади. Пашша қаноти остига йирик ҳашарот уруғ қўяди. Уруғ қўйиб бўлгач, ҳеч нима бўлмагандек бошқа жойга учиб кетади. Болаларим нима бўлади, пашша ўлдириб қўймасмикин, деб хавотир ҳам олмайди. Пашша ўз устидаги юкдан халос бўлиш учун бир неча бор уриниб кўради. Уринишлари бефойда кетгач, бор-е дегандек қорин ғамида учиб кетади. Зулукдек ёпишиб олган майда қуртлар пашшани маҳкам қучоқлаб унинг устида мазза қилиб парвоз қилишади. Пашша кавшанаётган мол устига қўнади. Худди биров ўргатиб қўйгандек, ”посадка” бўлиши билан самолётдан тушаётган пассажирлар сингари қуртваччалар ҳам пашшадан тушиб мол терисига ёпишишади. Чунки мол терисидан чиқаётган иссиқлик улар учун пашшадан тушишга сигнал эди. Мол чақирилмаган бу меҳмонлардан безовталаниб думи билан уларни ҳайдамоқчи бўлади. Пашшанинг осмону фалакдан ташлаб юбораман деб қўрқитишидан чўчимаган қуртлар молнинг бир-икки пўписасига парво қилишмайди. Уч ой давомида молнинг қонини сўриб ётишади. Уч ой деганда мол билан хайр-маъзурни насия қилиб, учиб кетишади.

Батафсил...

Ушалмаган орзулар ёки мода оламининг маъсият салтанати

Ушалмаган орзулар ёки мода оламининг маъсият салтанати

“Онажон, мен модел (янги либосларни намойиш қилувчи) бўлишни истайман!” Замонанинг кўпгина оналари ўз қизларидан шу мазмундаги гапларни балки эшитишгандир. Модалар олами ва ялтироқ ҳаёт содда қизларни тунда парвоналарнинг гулханга талпингани каби ўзига тинимсиз чорлайди. Бир қарашда бу усти ялтироқ ҳаёт, янги модалар намойиш қилинадиган муҳташам қасрлар, мода кўргазмалари ва бошқалар худди ўйноқи оловнинг ёрқин тиллари каби ҳаддан ташқари жозибали кўринади. Аммо олов қучоғига тушганларгина унинг нақадар қаҳри қаттиқ, аёвсиз эканини, ўз домига тушган ҳамма нарсани охири кулга айлантириб юборишини яхши билишади.

Батафсил...

«Билмайман» дейиш илмнинг ярмидир

«Билмайман» дейиш илмнинг ярмидир

Ислом уммати бири-бирига устоз, бири-бирига шогирд бўлиб келган. Илм ўргатиш ва ўрганиш мусулмонларни бошқалардан ажратиб турувчи асосий фазилатларидан бўлган. Ҳар бир мусулмон ўзи билган нарсани бошқа бировга ўргатишни муқаддас бурчи, деб билган. Лекин орамизда шундай инсонлар ҳам борки, улар сўралаётган масаланинг шаръий ҳукмини билмайдилар ёки билсалар ҳам қониқарли жавоб беришга ожизлик қиладилар. Афсусланарли жойи шундаки “билмайман” дейишнинг ўрнига ўзларича жавоб берадилар ва кўп ҳолларда бу мусулмонларнинг адашувига сабаб бўлади.

Батафсил...

Офтоб нури етяптими?

Офтоб нури етяптими?

Китобнинг буюк куч эканини исботлашга ҳожат йўқ. Ҳар қандай жамиятдаги гўзал маънавият саройининг мустаҳкам пойдевори ҳам айнан китоб экани ҳам ҳақиқат. Агар китобдан юз ўгирган бирон жамоа маънавият саройи қурибди, деб эшитсангиз билинг-ки, улар бу бинони туздан барпо қилибдилар.

Батафсил...

Зилзила вақтида нима қиламиз?

Зилзила вақтида нима қиламиз?

Зилзила бўлиб туриши табиатда бор нарса. Лекин кутилмаган ер силкиниши инсонни шошириб қўйиши, даҳшатга солиши ҳеч гап эмас. Зилзилани тўхтатиш инсоннинг қўлидан келмайди, аммо ундан ҳимояланиш йўллари маълум. Ҳозирги геолог, сейсмолог олимлар зилзила кўпинча тоғларнинг юриши туфайли юз беради деган тўхтамга келган.

Батафсил...

Гарри Поттер: Эртак тўғрисида фактлар

Гарри Поттер: Эртак тўғрисида фактлар

Китоблар беозор фантазия ва ўйин-кулги деб таърифланади, ваҳоланки, бу китобларда кўп ёвуз хабарлар бор ва уларнинг хаммаси хам беозор эмас. Кутилганидек, Гарри Поттер тўғрисидаги охирги китоб катта шов-шувга сабаб бўлди. Бутун дунё бўйича узоқ кутилган китоблари сотувга чиқиши муносабати билан китоб дўконлари ва клублар, кечалари йиғилишлар ва шунга ўхшаш бошқа тадбирлар уюштирдилар.

Батафсил...

Текинга ўқи!

Текинга ўқи!

Кишининг комил саодатга эришмоғи учун аввало халқ фаровон бўлмоғи даркор. Халқ фаровон бўлмоғи учун оила бахтли бўлмоғи шарт. Оила бахтли бўлмоғи учун кишининг ўзида эзгулик бўлмоғи лозим. Кишида эзгулик бўлмоғи учун унинг қалби тоза бўлмоғи зарур. Чунки кишининг хазинаси айнан ўз қалбидадир. Қалбнинг покизалиги учун тўғри, ақлли, ҳикматли фикрлар даркор. Ақлли фикрлар учун эса юқори даражадаги билим керак. Юқори даражадаги билимга етишмоқ учун киши ўзини ўзи ўқишга ўргатмоғи лозим.

Батафсил...

Бурқами ёки бикини? Америкада аёллик қадриятларининг таназзули

Бурқами ёки бикини? Америкада аёллик қадриятларининг таназзули

Хонамда бир мусулмон аёлнинг Бурқа ўраб турган суратини илиб қўйганман. Унинг ёнида эса америкалик қизнинг гўзаллик беллашувида БИКИНИ (яъни русчасига «купальник») кийиб тушган сурати туради.

Биттасида аёл бошқалардан буткул яширинган; бошқаси эса бутунлай очиқ-сочиқ ҳолда. Бу икки қарама-қаршилик «цивилизациялар уруши» деб юритиладиган иборага яққол мисол бўла олади менинг назаримда.

Аёлнинг жамиятда тутган ўрни ҳар бир маданиятни белгилаб берадиган асосий омилдир. Яқин Шарқда бошланаётган уруш нафақат арабларнинг нефтини ўғирлаш учун, балки уларни динидан ва маданиятидан ҳам маҳрум қилиш учун олиб борилмоқда, деб кўп ёзилди. Менимча энг ёмони - улардаги БУРҚА ўрнига БИКИНИ тиқиштирила бошлангани.

Мен мусулмон аёлларининг ҳолати бўйича мутахассис эмасман ва мен аёлларнинг латофатига ҳурматим баланд бўлганидан ҳамма мамлакатларда БУРҚА кийилишини тарғиб ҳам қилмоқчи эмасман. Бироқ мен БУРҚА мужассам этган қадриятларни ҳимоя қилмоқчиман, холос.

Мен учун БУРҚА аёлнинг эрига ва оиласига ўзини тўла бағишлаганини намоён этади. Фақат уларгина ўша аёлни кўриши мумкин, бошқалар учун у беркитилган, бошқалардан ҳимоя қилинган.

БУРҚА оила муҳитининг безовта этилиши мумкин эмаслигини, фақатгина маълум кишилар учунгина очиқлигини ва муҳимлигини таъкидлайди гўё.

Мусулмон аёлнинг асосий эътибори ўз уйига, яъни фарзандлари туғилган ва ўстириладиган «ин»га қаратилган. У оила бекаси, оиланинг руҳий дунёсини суғориб турувчи асосий илдиздир. У болаларининг тарбияси ва таълими билан шуғулланишдан ташқари ўз эри учун роҳат ва мадад манбаи ҳамдир.

Бунга тамоман тескари ҳолда, БИКИНИ кийиб олган америкалик гўзал малика эса ўзини миллионлаб телетомошабинлар олдида кўз-кўз қилмоқда. У феминист, шунинг учун ўзига ўзи ҳокимлик қилади. Лекин, аслида, кулгилиси, у оммавий бир буюм кабидир. Унга ҳеч ким ва ҳар ким эгалик қилади. У ўз баданини энг катта пул тўлаган одамга сотади. У тинмасдан ўзини бозорга солади.

Америкада аёлнинг маданий ўлчови унинг ташқи кўринишига айланиб улгурди. Аёлнинг бу сифати тез фурсатда йўқолиб борар экан, у бечоранинг жинни бўлгудай ўз афти ва вазни ҳақида қайғуриш билан овора бўлиб қолиши ҳам шунинг исботи.

Ўсмирлик пайтида унинг вазифаси Бритни Спирс каби оммавий жойларда ечинишдир. У Бритнидан агар жинсий хоҳишларни қондирсагина севилишга лойиқ бўлишини ўрганади. Бунинг натижасида у чин севги ва гўзал хулқ излаш ўрнига, бошқаларни «илаштириш» ҳаракатида бўлади. Шу аснода куёв боладан аввал ўнлаб йигитлар у билан яқиндан танишади. У жозибадорлигининг асосий қисмини ташкил этувчи ибосини йўқотади. У совуққон ва тулкисифат бўлиб ўсади. Севишни уддалай олмаслиги туфайли келажакда ўз эрига оталик бахтини беришга ҳам тайёр бўлмайди.

Аёллик она ва бола ўртасидаги нозик ришталарга асослангандир. У тарбия ва ўзини қурбон қилишга тайёр бўлиш билан кучаяди. Эркаклик эса овчи ва ўлжа ўртасидаги муомалага асосланган. Унинг таянчи қувват ва ақлдир.

Феминизм таълимотига кўра, аёлларга хос яшаш аёлларни «зулм» кўришига олиб келган, феминизм аёлларни эркакча хулққа ўтишга чақиради. Натижа: адашган ва агрессив (ғазабланган) аёл, бир елкасида улкан хода. У на хотин ва на она бўлишга қодир.

Бу албатта, «Янги дунёвий тартиб» ўрнатишга киришган ижтимоий муҳандисларнинг асл мақсадидир: жинсий шахсиятларни барбод етиш ва оилани парчалаш, ижтимоий ва шахсий таназзулни келтириб чиқариш ва аҳолини камайтириш. Янги «дадил янги дунё»да аёллар уй соҳибаси ёки наслнинг давомчиси бўлишлари кўзда тутилмайди. Улар севги ва насл қолдириш учун эмас, балки кўнгил очиш учун жинсий алоқа қилишга ўргатилган совуққон ўзбошимча махлуқларга айлантирилади.

Яқинда ўтказилган оммавий ахборот воситалари вакиллари билан суҳбатда Роналд Рамсфельд (Американинг собиқ Қуролли Кучлар Вазири) эронлик аёллар ва ёшлар муллалар ҳокимлиги остида сиқилиб кетганини айтди. У яқин орада Америка уларни озод қилишини тиқиштириб ўтди. Уларни ҳам Бритни Спирсларга айлантириш учунми? Ёки уларни ҳам бели кўриниб турадиган таранг жинси шимлар кийишга ўргатиш учунми? Америкаликларга ўхшаб ҳамманинг кўзи олдида бир-бирларини силаб-сийпашлари учунми?

Ота-оналик инсоний тараққиётнинг энг олий нуқтасидир. Бу босқичда ўзимиз билан овора бўлишдан тўхтаб, худонинг ҳақиқий бандаларига айланамиз: янги ҳаётнинг яратилишида ва тарбияланишида иштирок эта бошлаймиз. «Янги дунёвий тартиб» бизнинг шу даражага етишимизни хоҳламайди. Порнография никоҳнинг ўрнини босиш учун тақдим этилади. Уларнинг наздида биз ўсишдан тўхтаб, умрбод бўйдоқ яшаб, шаҳватларга ғарқ бўлиб ва фақат ўз роҳатимизни кўзлаб яшаб ўтишга маҳкуммиз.

Йўқ, биз умрбод мустақил яшашга эмас, балки ёлғизликка, асирликка маҳкуммиз, ўзлигимизни ифода этиш учун қандайдир буюмларга, ялтироқ нарсаларга муҳтож ўтишимиз ва ўлгунча кимларгадир «илашиб» ва кимларнидир «илаштириб» яшашимиз кўзда тутилади.

Бу нарсалар, айниқса аёлларни парчалаб ташлайди. Унинг гўзаллиги ёшлигига ва жинсий сифатларига, қадди-қоматига боғлаб қўйилгандан кейин, аёлнинг ёши улғайган сари жозибаси камайиб боради. Агар аёл ўзининг энг жўшқин даврини «мустақил» бўлишга бағишлар экан, ўзи учун муносиб умрбод турмуш ўртоғи топишининг эҳтимоли жуда кам қолади.

Ҳаётда аёл ўз ўрнини топишининг ва бахтга эришишининг калити никоҳ ва оиланинг ўзи учун бирламчи мақсад қилишидадир.

Феминизм «Янги дунёвий тартиб» тарафдорлари тузиб чиққан бўҳтон бўлиб, у америкалик аёлларни таназзулга учратди ва Ғарб цивилизациясини барбод қилиб ташлади. У миллионлаб инсонлар ҳаётини остин-устун қилиб, исломга қарши даҳшатли хавфни ўзида мужассам этади.

Мен БУРҚАни ташвиқ қилмоқчи эмасман, балки БУРҚАда мужассам бўлган баъзи қадриятларни, хусусан аёлнинг ўз-ўзини бўлажак эрига ва оиласига бағишлашини, ҳаё ва номусини сақлашлигини тўғри деб биламан.

БУРҚА ва БИКИНИ иккита дунёқарашни ўзида акс эттиради. Энг тўғри жавобни эса шуларнинг ўртасидан излаш керак.

Профессор Ҳенри Макоу (Professor Henry Makow)

Ҳенри Макоу «Учрашувгача ҳали анча бор» (A Long Way to go for a Date) номли китоб муаллифидир. У Канаданинг Торонто Университетида инглиз адабиёти бўйича профессорлик унвонини олган. Унга қуйидаги электрон манзил бўйича хат ёзишингиз мумкин: This email address is being protected from spambots. You need JavaScript enabled to view it.

Инглизчадан М. Раҳимов таржимаси

Батафсил...

Сувни асра, ҳаётингни сақла

Сувни асра, ҳаётингни сақла

“Ҳаммомдан чиқа қол!” деб бақиради акангиз, ҳаммом эшигини тақиллатар экан. “20 дақиқадан бери ичкаридасан, бўла қол!” Ҳаммомда 20 дақиқа мобайнида сиз тахминан 400 литр сув сарфлайсиз. Пайғамбаримиз (с.а.в.) бир саа сув билан ғусл қилар эдилар – бу 2.03 литр бўлади. Абу Жаъфар ривоят қилади: “Отам ва мен Жаъбир бин Абдуллоҳ билан бирга бўлганимизда, бир киши ундан ғусл тўғрисида савол берди. У айтдики: “Бир саа сув сенга ғусл қилишинг учун етарли”. Савол берган киши: “Бир саа сув менга етмайди” деди. Жаъбир: “Бир саа сув сочи сендан кўп бўлган ва сендан афзалроқ бўлган инсонга етарли бўлган”, деди (Пайғамбаримизни назарда тутиб). (Бухорий ривояти)

Батафсил...
RSS тасмасига обуна бўлиш