Чеченистонда улкан ифторлик бўлиб ўтади
Чеченистон пойтахти Грозний шаҳрида 11 июнь куни улкан ифторлик бўлиб ўтиши кутилмоқда. Ушбу тадбирга Россия қаҳрамони Аҳмад Хожи Қодиров жамғармаси ҳомийлик қилмоқда. Ташкилот томонидан 2017 йилда уюштирилган ифторлиика 35 минг рўзадор келган.
Умматнинг долзарб муаммолари ечими бўйича энг яхши ғоя муаллифи мукофот олади
Ислом олам университетлари федерацияси (The Federation of the Universities of the Islamic World — FUIW) Ислом таълим, фан ва маданият масалалари бўйича ташкилоти ИСЕСКО (ISESCO) билан хамкорликда «Университет таълими Уммат ва унинг долзарб вазифалари хизматида» мавзуси бўйича энг яхши тадқиқот иши учун мукофот таъсис этди.
Иштирок этиш учун FUIWнинг университет-аъзолари таклиф этиладилар. Танловга юборилаётган иш замонавий Ислом ва мусулмонлар тарихида мусулмон университетларининг тутган ўрни масаласига ўзига ҳос ва замонавий қарашларни намоён этиши ва аввал ҳеч қаерда чоп этилмаган бўлиши лозим. Пул мукофоти миқдори ҳали маълум эмас.
“Рисолат” фильми Саудия Арабистонида намойиш этилади
1976 йилда режиссёр Мустафо Аққод томонидан Пайғамбаримиз Муҳаммад соллалоҳу алайҳи васаллам ҳақларида олинган “Рисолат” фильми 40 йиллик таъқиқдан сўнг Саудия Арабистонидаги кинотеатрларда намойиш этилиши кутилмоқда. Айтиб ўтиш жоизки, мазкур фильм шу кунгача Форс Кўрфазининг ҳеч бир давлатида катта экранларда кўрсатилмаган. Муаллифнинг илтимоси билангина “Чақириқ” Шимолий Африкадаги Марокаш ва Ливияда қисқа муддат давомида томошабинлар ҳукмига ҳавола этилган.
Фаластин халқини ҳимоя этувчи қарор БМТда кўриб чиқилади
Фаластиннинг БМТдаги доимий вакили Риёз Мансур маълум қилишича, БМТ Бош Ассамблеясининг махсус йиғилишида Фаластин халқини ҳимоя этишга доир қарор кўриб чиқилиши кутилмоқда.
БМТ ва Мьянма рохинжаларнинг қайтариш юзасидан меморандум имзолашди
БМТ Олий комиссарининг қочоқлар бўйича бошқармаси ва БМТ Ривожлантириш дастури Мьянма билан рохинжа халқи қочоқларининг ихтиёрий қайтишлари бўйича хамкорлик қилиш юзасидан матни аввалроқ келишиб олинган меморандумни имзолашди, дейилади томонларнинг қўшма баёнотида.
Сингапур бош вазири масжиддаги ифторга келди
Сингапур бош вазири Ли Хсин Лунг ва мусулмонлар иши бўйича вазир Масагос Зулкифли қолган 700 меҳмон қатори мамлакат ғарбида жойлашган маъруф масжидида уюштирилган ифторликка ташриф буюришди. Бош вазир диний етакчилар, жамоат арбоблари ва ҳукумат аъзолари билан биргаликда дастурхонга қўйилган миллий таом ва ширинликлардан баҳраманд бўлди.
Дунёнинг даҳрий давлатлари
Gallup International халқаро таҳлил агентлиги дунёнинг даҳрий давлатларини аниқлаш мақсадида 86 мамлакат бўйлаб сўров ўтказди. 60 000 дан зиёд одамларнинг жавоблари таҳлил қилингач, куйидаги хулоса маълум бўлди. Хитой (67% аҳоли худосиздир), Япония (29%), Словения (28%), Чехия (25%) ва Жанубий Корея (23%) даҳрий давлатларининг пешқадамларидир.
9 000 дан ортиқ масжидлар эътикофга тайёр
Туркия дин ишлари бошқармаси (Диёнат) мамлакатдаги 9364 масжидда эътикоф ибодати учун ҳоизрлик кўриб қўйди. Эндиликда барча хоҳловчилар суннати муаққада бўлган ушбу ибодатни адо этиш учун Диёнатни интернетдаги сайтига кириб, ўзига яқин бўлган масжид манзилини топиши мумкин.
Қишлоқни сув ва электр билан таъминлаётган масжид
Марокашнинг Тадмамат қишлоғидаги 2016 йилда қурилган “Мовий масжид” нафақт ибодат маскани, балки сув ва электр қуввати манбаи ҳамдир. Унинг томида ўрнатилган қуёш панеллари ишлаб чиқарган электр қуввати масжид ва ёнидаги имом-ҳатибнинг уйи ҳамда бутун қишлоқ аҳолисининг эҳтиёжини қондирмоқда. Қолаверса электр қуввати кўп миқдорда ишлаб чиқарилганлиги боис тадмаматликлар шу кунгача бебаҳра қолаётган иссиқ сувга ҳам эга бўлишди.