Бугунга зарур сабоқ

Мисрлик олим, марҳум Муҳаммад Шаъровий бундай деб ёзган экан:
"Шаръий жазоларни татбиқ этишга иштиёқманд бир ёш йигит билан баҳслашган эдим.
- Исломий давлатда ёш мусулмонлар йиғиладиган дискотека бўлса, уни портлатиб юборса бўладими ёки бўлмайдими? - деб сўрадим ундан.
- Нега бундай қилиб бўлмас экан, албатта, портлатиш жоиздир, - деб жавоб берди у.

Батафсил...

CNN: “Мусулмонлар терроризми хавфи – уйдирмадир”

CNNда «Тадқиқот: америкалик мусулмонлар терроризми хавфи ошириб юборилган», деб номланган мақола нашр қилинди. Шимолий Каролина ва Дюк университети олиб борган тадқиқотларга кўра, “радикаллашган америкалик мусулмонлар хавфи роса ошириб юборилган экан. Шунга қарамай, аксар америкаликлар ултра (ашаддий) ўнгчи исломофоблар тарафидан жон-жаҳдлари билан тарғиб қилинаётган “радикал Ислом”дан қўрқиб яшашда давом этмоқда. Агар кабел телеканалларини томоша қилсангиз, барча террорчилар мусулмон экан деб ўйлай бошлайсиз. Баъзи доираларда “барча мусулмонлар террорчи эмас, лекин барча террорчилар мусулмонлар” деган ғоя ҳақиқатга айланган. Лекин статистик маълумотлар бунинг аксини айтмоқда.

Батафсил...

Жонсиз моддалардаги мўъжизакор мантиқ кимнинг ижоди?

Қонунларни кўриб, таъсирларини сезиб бу қонунларни ўрнатган Зотни инкор этиш ақлсизлик эмасми?..
Ҳаётим давомида жуда кўп мамлакатларни кездим. Кўрдимки, ер юзидаги барча инсонларнинг диний эътиқодга эҳтиёжлари бор экан. Динни инкор қиладиган, қабул этмайдиган миллатни кўрмадим. Динсизлик ва худосизликни даъво қилганларни жуда кам кўрдим. Эътиқодлиларнинг кўплиги олдида эътиқодсизлар йўқ даражада оз экан. Динлар турли кўринишда бўлса-да, динга ва Худога боғлиқлик бир хил... ҳамма жойда... Узоқ Шарқ, Япония, Ҳиндистонда кучли диндорлик бор экан. Биз энг либерал (хур) деб билган Америкада хам шундай. Хатто улар динларида жуда мутаассиб хам эканлар. Буларнинг бари шуни кўрсатадики, инсон диний хисга ва ишончга мухтож. Ўзимча ўйлайман, миллиардлаб инсоннинг қалбига бу муштарак хис қаердан келди? Албатта, яратилишдан мавжуд бу ҳис Яратувчи инсонларга бахш этган олий туйғудир. Агар бу хрс яратилишдан бўлмай, кейин ўрганиб, касб қилиб топилган бўлса, шунча кўп одамда бўлармиди? Шунчалик кенг ёйилар ва қабул қилинармиди?

Батафсил...

“Озодлик”нинг бичилган кўр қуллари

Бугунги кунимизда энг катта залолат даҳрийлик эмас, яъни ҳозир ҳақиқий даҳрийлар қолмаган. Аксар одамлар агностицизм деган нарсага эргашади: улар Худога ишонишини айтишади, бироқ У ким ва У биздан нимани исташини билишмайди. Аллоҳнинг фарзларини бажариш ва қайтарган нарсаларидан сақланишни эркинликни чегаралаш дея тушунтиришга уринишмоқда. Илмий майдонда ДНК ва КАТТА ПОРТЛАШ назариялари юзага чиқгач ва бу назариялар инкор қилиб бўлмайдиган асосларни олға сургач атеистларнинг классик қарашлари саробга айланиб қолди. Энди ўша даҳрийлар тиизмни маъқуллашмоқда. Энг кучли ИРОДА соҳиби бору, лекин У бизнинг ишимизга аралашмаслиги керак, дейишмоқда. Аслида эса тартиб интизомли ҳаётдан бош тортиш учунгина шундай эътиқодни танлашмоқда. Улар ўз ҳаётларини ибодатлар билан "қийнамаслик", қайтариқлар билан эса “чегараламаслик” лозим дея шаллақилик қилишмоқда ва айнан шуни озодлик деб тушунишмоқда, бошқаларга ҳам тушунтиришга уринишмоқда.  Аслида бугунги кунимизнинг энг катта адашуви айнан шудир. Яъни, қалбнинг энг ичкари тубидан Аллоҳга ишониб, лекин Унинг буйруқ ва қайтариқларига амал қилмаса ҳам бўлаверади, деб ишониш. Бу билан эса ўз қўллари билан “Озодлик” илоҳини барпо қилиб, унинг қулига айланиш юзага чиқмоқда. Мутлоқ озодлик эса мутлоқ аҳмоқликдир!

Батафсил...

Кўпиксимон уммат

Охирги асрларда уммат дучор бўлган вайроналик ва чорасизлик ҳолати Қуръон ва Расулуллоҳ (соллаллоҳу алайҳи васаллам) ҳадисларида башорат қилингандир. Ва бу башоратлар ажабланарли тарзда ҳар бир авлод ва ҳалқларга тушунарли бўлган атрофдаги табиатдан мисоллар келтириш орқали ифодаланган. Ва илм-фан ривожланган сари биз бу мисолларни қанчалик яхшироқ идрок этар эканмиз, кўз олдимизда бугунги ҳолатимизнинг даҳшатли манзараси шунчалик равшан намоён бўлади.

Батафсил...

Россияни Ислом мамлакатига айлантириш

Бугунги кунда аҳолисининг 99% ни мусулмонлар ташкил этадиган Индонезия, Малайзия каби давлатларга Ислом дини гўзал хулқ ва омонатдорликнинг асл намунасини кўрсатган мусулмон савдогарлар орқали кириб борган. Ислом динига одамларни киргизиш мажбурий тарзда бўлмаслиги Қуръони каримда очиқ суратда айтилган. Бу Аллоҳ таолонинг адолати бўлиб, бошқа ҳар қандай мантиқ бу каби ҳақиқатни топа олмайди.
Қуйида таржима қилинган мақола муаллифи Ислом динига мансуб бўлмаган шахс бўлсада, унинг моддий (материалистик) қарашларида Исломнинг тарқалиши унинг мустаҳкам асосларга боғлиқ эканлигини эътироф қилади. Турли миллат вакилларининг мусулмончиликни қабул қилиш жараёни сиёсий бошқарувлар натижаси деган фикрни қўллайди. Лекин бу унинг шахсий фикри бўлиши билан бирга, Ислом динининг урушга асосланмаганлиги, балки ҳар қандай миллат ўз муаммосининг ечимини Исломда кўраётганини тан олади. Мақоладаги қарашлар статистикалар билан уйғунлашиб, ортодоксал Исломнинг келажакда ҳеч қандай урушсиз дунёда катта нуфузга эга бўлишини кўрсатади. Мақола билан танишиб чиқиш фойдадан холи эмас.

Батафсил...

Европа Яқин Шарққа ёрдам бера оладими?

Яқин Шарқ минтақаси биринчи жаҳон урушидан кейин пайдо бўлган араб давлатчилиги тарихида буюк ўзгаришларни бошидан кечирмоқда. Сўнги йилларда бутун минтақа бўйлаб қатор инқилоблар рўй берди,  ҳукуматлар алмашди. Кўп сонли одамлар кўчаларга чиқиб, намойишлар уюштирмоқда. Тирикчилик учун шароит яратилиши, сиёсий зўравонлик ва порахўрликларга барҳам берилишини, инсон ҳуқуқи, қадри-қиммати ҳурмат қилинишини ҳамда мамлакат бошқарувида иштирок этишларини талаб қила бошлашди.

Батафсил...

Бутун уммат олдига тушиб югурма...

- Анаву нима деганини (ёзганини, қилганини) эшитдингми (кўрдингми? ўқидингми?)?
- Бу куфр (ширк, бидъат-ку)! Кофирдан (мушрик, бидъатчидан) нима ҳам кутса бўлади?!

Батафсил...

Америка “халифалиги”

Бироқ, мусулмонларни қоралаётганларнинг ўзлари бугунги куннинг энг нуфузли диний давлатлари, яъни у ёки бу дин ходимларининг ғоя ва фикрлари ҳукмронлигига асосланган давлатлари Саудия ёки Эрон эмас, балки Исроил ва АҚШ каби “демократия машъаллари” эканлигини негадир тан олгилари келмайди.

Батафсил...

Мусулмон уммати ўзини-ўзи йўқ қилмоқда...

Афғонистон, Фаластин, Ироқ, Сомали ва Покистонда хунрезликлар, қотилликлар,  вайронгарчиликлар ҳукмрон.  Исломий фирқалар бир-бирларини муртадликда айблашмоқда. У ер-бу ерда “хоин”ларнинг қони “ҳалол”лиги,  жаннатдан “маҳрум”лиги, мусулмон жамоасидан ҳайдаб юборилишини эълон қилувчи фатволар ҳам пайдо бўлаётир.
 
Ислом миллатига нима бўлди? Тинчлик, дўстлик, биродарликда яшашга буюрган  шариат қонунлари қаёқда қолди? Бирор киши Буюк Яратувчининг: “Барчангиз Аллоҳнинг арқонини маҳкам тутинг ва бўлиниб кетманг” (Оли-Имрон, 105) ва “Аллоҳ ва Унинг Расулига иймон келтирганлар, ҳеч шубҳасиз, оға-инилардир” (Ҳужурот, 10) деган ваҳийларига амал қиляптими?
 
Бирор киши Пайғамбаримизнинг (алайҳиссалом): “Бизга қарши қурол кўтарган бизлардан эмас” деган сўзларига эътибор беряптими? Бирор киши Расулуллоҳнинг (соллаллоҳу алайҳи ва саллам) “Сизларнинг жонингиз, молингиз ва шарафингиз ушбу Муқаддас шаҳарда ушбу Муқаддас ойнинг ушбу Муқаддас куни каби бир-бирингизга муқаддас бўлиши”ни тилаб қилган дуоларини эслармикин?
 
Дунёнинг бошқа халқлари ишлаб чиқариш, қурилиш, ижод, ихтиро ва кашфиётлар билан машғул бўлгани ҳолда нега Ислом уммати душманлик, фитнабозлик, рақобат, ўзаро муртадликда айблашларга кўмилиб кетди. Ислом олами жаҳон матбуоти ва телевидениесини мунтазам янгилик билан “таъминлаб” турибди.

Телевизор экранларида террор қурбонларининг пажмурда жасадларини, етим қолган болалар, тул аёллар, вайрона уйлар, портлатилган кўприклар, кули кўкка совурилган шаҳарлар, издан чиққан иқтисод, қўрқувдаги одамлар, қотиб қолган тараққиётни қайта-қайта кўраверамиз.
 
Уламолар, мусулмон давлатларининг арбоблари ва оқиллар нега сукут сақлашяпти? Бу қон тўкишлар қачонгача давом этади? Тарихнинг бу даҳшатли саҳифасини қачон ёпамиз? Бу телбаларча ўйин қачон барҳам топади? Қачон онгимиз ва ақлимиз ўзимизга қайтиб, яна меҳр-шафқат, тотувликка чорловчи, душманлик, нафрат ва ихтилофлардан қайтарувчи Қуръон ва Суннатга мувофиқ ҳаёт кечира бошлаймиз?
 
Ҳимоясиз одамларга ва айбсиз болаларга қарши қурол кўтарган қотилларда наҳотки заррача уят қолмаган бўлса?! Ахир Ислом ўлкаларида қашшоқлик, ишсизлик ва ҳақсизликлар каммиди? Кулфатларимиз устига янги бахтсизликлар ёғдираётган янги оқимлар етарли эмасмиди?

Дунё иқтисодий, ақлий ва руҳий тараққиёт билан банд бўлган бир пайтда бизнинг ўлкаларимиз ҳалок бўлганлар, мажруҳга айланганлар ва бедарак йўқолганларга аза тутиш билан овора. Истаган телеканалингизни очинг, унда мусулмон мамлакатларида содир бўлаётган ва ҳар қандай ақлни сўндирадиган, туйғуни ўлдирадиган ва юракни қиймалайдиган фалокатлар ҳақидаги янгиликларни эшитасиз.
 
Мусулмонлар яшаётган заминда содир бўлаётган фожиалардан қалбингиз музлаб кетади: йўлларда танасидан жудо бўлган каллалар, кўчаларда қон дарёси, ҳувиллаган масжидлар, ёндирилган уйлар, вайрона мактаблар, дорилфунун ва корхоналар... Наҳотки, бундай жиноятлардан қайтарадиган иймон ҳам, ақл ҳам, туйғу ҳам қолмаган бўлса?

Бу фожиали бедодликлар яна қанча давом этиши мумкин? Қачон муқаддас китоб оятларини рўкач қилиб, Ислом ерларида Ислом номи ила мусулмонлар қўли билан содир этилаётган қонли фожиаларга барҳам берилади?
 
Ҳар қайси томон диндош биродарига ҳужум қилиш имкониятини кутиб қуролланмоқда. Турли гуруҳлар Ислом байроғи остида ўз тарафдорларини ҳақ иш учун азобли ўлимга жўнатмоқда, уларга жаннат ваъда қилмоқда ва зафарга ишонтирмоқда. Айни пайтда “муртад”ларнинг қонини ҳалол санаб, уларга абадий лаънат ва дўзахни раво кўрмоқда.
 
Буларнинг ҳаммаси нафрат ғояларини сингдириш билан бирга олиб бориляпти. Бунинг таъсирида эса, жангарилик руҳида тарбияланган ёшлар истаган пайтда “муртад”ларни жазолашга тайёр туришибди. Улар ўз ҳамюртлари билан жанг қилишяпти ва ўз халқига қурол ўқталишга ҳам қодирдирлар.
 
Парвардигордан ушбу фожиаларни тўхтатишни, Ислом умматидан бу кулфатлар балосини кўтаришни, улар ақлини ўзига келтиришни, туйғуларини тирилтиришни ва Ҳақ йўлга йўллашни илтижо қиламиз.

 
доктор Оиз Қараний
Абу Муслим таржимаси

Батафсил...
RSS тасмасига обуна бўлиш