Сайёр кутубхона Қобул кўчалари бўйлаб ҳаракатланмоқда

Афғонистон пойтахти Қобулда биринчи ва ҳозирча ягона бўлган болалар учун мўлжалланган cайёр кутубхона пайдо бўлди. Давлат жамоат транспорти ташкилотидан ижарага олинган кўк рангли автобус китоб ўқиш, шахмат ўйнаш, дўстлар билан учрашиш ва мулоқот учун ўта қулай жойдир. Олди ўриндиқларда қизлар, орқада эса ўғил болалар жой олган Чармагз (форсча ёнғоқ) номли автобус террорчилар маконлари, ҳукумат бинолари, тирбанд ва серқатнов кўчалардан нарироқда ҳаракатланишга одатланган. Бутунлай бепул бўлган мазкур кутубхонадан хатто кўчада қолган болалар ҳам фойдаланиб, ўз билимларини ошириш имкониятига эгадир. Бу ерда болалар хоҳласа стулда, хоҳласа тўшалган гилам устида ўтириб, кутубхонадаги 600 га яқин китоб мутолаа қилишлари мумкин. Ғилдиракли кутубхона ғоясининг муаллифи Оксфорд университетининг битирувчиси 26 яшар Фаришта Каримдир. У ўз ҳаётини болалигида маҳрум бўлган болалар таълимига бағишлаган бўлиб, шу тариқа Афғонистондаги таълим соҳасини яхшилашга уринмоқда.

Македониялик заргар одамларни дўконнинг ўзида Қуръон ўқишга ўргатмоқда

Anadolu агентлиги хабарига кўра, Македония пойтахти Скопьедаги бир заргарлик дўконида Қуръон ўқиш ўргатилмоқда. Нажмиддин Буши (Necmedin Bushi) исмли заргар асосий ишидан ажралмаган ҳолда Қуръон ўқиш дарсларини бермоқда. У Аллоҳнинг Каломидан дарс ўтишни иккинчи касби деб атайди.

Маккаи мукаррама, Байтуллоҳнинг тавоф саҳни устидан дунёдаги энг катта соябон ўрнатилиши ҳақида хабарингиз борми? Бу соябон устида ишлар аллақачон бошлаб юборилган. Соябон 45 метр баландликда бўлиб, умумий оғирлиги 600 тоннани ташкил қилади ва 2400 метр майдонни соя билан қоплайди. Вазият тақозосига қараб соябонни очиб ёпилади.

20 апрель куни Киевда биринчи кутубхона-дўкон очилди. У ерда Исломга оид адабиётлар сотилиши мўлжалланган бўлиб, барча хоҳловчиларга Ислом ҳақидаги маълумотлар берилиши назарда тутилган. Махсус лойиҳа Украина мусулмонлар идораси ва “AYA group”  нашриёти ҳамкорлигида амалга оширилмоқда.