Янгийўллик ўқувчилар «Hilol-nashr»да ёзувчи Эркин Малик билан учрашишди

Куни кеча Янгийўл туманида фаолият юритаётган 41-мактаб ўқувчилари «Hilol-nashr» нашриётига узтозлари Гулнора опа бошчилигида ташриф буюришди. Ўқувчилар нашриёт босмахонасида ўзлари севиб ўқийдиган китобларнинг қандай қилиб чоп этилишини ўз кўзлари билан кўриш имкониятига эга бўлдилар. Шунингдек, улар нашриётнинг Бош китоб дўконини айланиб ўзларига ёққан китобларни харид қилишди.

Ёшлар Иттифоқи етакчилари «Hilol-nashr»да

31 май куни «Hilol-nashr» нашриётида Шайхонтуҳур туман Ёшлар Иттифоқи билан ҳамкорликда хайрли тадбир ўтказилди. Аниқроғи, Ёшлар Иттифоқининг Шайхонтуҳур туманидаги мактаб, лицей, коллежларда фаолият юритаётган 30 дан ортиқ етакчилари иштирокида шайх Муҳаммад Содиқ Муҳаммад Юсуф қаламларига мунсуб «Бахтиёр оила» китобининг тақдимоти ўтказилди. Тадбирда «Hilol-nashr» муҳаррири Озод Мунаввар шайх Муҳаммад Содиқ Муҳаммад Юсуф ҳазратларининг халқимиз диний маърифатини ошириш йўлида қилган беқиёс хизматлари, «Бахтиёр оила» китобининг ёзилишига туртки бўлган омиллар, ўша йилларда жамиятимизда шундай бир китобга катта эҳтиёж пайдо бўлгани ҳақида гапириб, китобда сўз юритилган мавзулар юзасидан атрофлича маълумот берди.

«Энг намунали хатиб» мусобақаси ғолиб ва совриндорлари аниқланди

Жорий йилнинг 31-май куни Имом Бухорий номидаги Тошкент ислом институти “Диний фанлар” кафедраси томонидан талабалар ўртасида “Май ойи – хатоба, нутқ маданияти ва воизлик санъати фан ойлиги” муносабати билан “ЭНГ НАМУНАЛИ ХАТИБ” мавзуида мусобақа бўлиб ўтди. Бу ҳақда islaminstitut.uz хабар берди.
Мусобақада Ўзбекистон мусулмонлари идораси Таълим ва Кадрлар тайёрлаш бўлими мудири Ж.Нуриддинов, Тошкент ислом институти ректори У.Ғафуров, устоз мураббийлари ва талабалари иштирок этдилар.
Мусобақа қуйидаги шартлар асосида бўлиб ўтди:
•  Хатоба фанига оид назарий савол;
•  Жума ёки ийд намози хутбасини ёддан ўқиб бериш;
•  Таровеҳ намозлари тасбеҳларни ёддан ўқиб бериш.
Мусобақада иштирокчиларининг чиқишларини қуйидаги ҳакамлар ҳайъати баҳолаб бордилар:
•  Сайдалиев Мўминжон домла – “Диний фанлар” кафедраси катта ўқитувчиси;
•  Рустамов Собиржон домла – “Диний фанлар” кафедраси катта ўқитувчиси;
•  Неъматов Жаҳонгир домла–“Таҳфизул-Қуръон” кафедраси мудири;
•  Жангиров Муҳаммаджон домла–“Диний фанлар” кафедраси ўқитувчиси.
Юқорида зикр қилинган шартлар бўйича:
83 балл тўплаган 3- босқич талабаси Халилов Шавкат биринчи ўринни
79 балл тўплаган 2- босқич талабаси Мансуров Мусохон иккинчи ўринни
69 балл тўплаган 1- босқич талабаси Ғаффоров Умарали учинчи ўринни эгалладилар.
Ғолиб гуруҳлар институт раҳбарияти томонидан тайёрланган қимматбаҳо совғалар билан тақдирландилар.

“Диний фанлар” кафедраси ўқитувчиси Б.Азамов

Китоблар тақдимоти бўлиб ўтди

Бугун 14 май куни Кўкча даҳасидаги “Шайх Зайниддин” жомеъ масжиди анжуманлар залида Одилхон қори Юнусхон ўғли қаламига мансуб “Эзгулик кушандаси” ва “Камтарлик ва кибр” китобларининг тақдимоти бўлиб ўтди. Тақдимотда юртимизнинг кўзга кўринган дин арбоблари, аҳли илмлар ва китобсеварлар иштирок этишди.