Уч нарса борки… (20-қисм)
- Written by Администратор
Сабр ва сабот уч ўринда ўта кераклидир:
1. Аллоҳга итоат қилишда;
2. Аллоҳ ҳаром қилган нарсалардан тийилишда;
3. Мусибатларга, айниқса, унга дучор бўлган илк онларда.
* * *
Ўлим фариштасининг ўлим олдидан инсонларга юборадиган хабарчилари учтадир:
1. Олдин қоп-қора бўлган сочлари оқаради.
2. Аввал кучли бўлган танаси кучдан қолади.
3. Илгари тик бўлган қадди букилади.
* * *
Ҳақиқий севги-муҳаббат уч нарсада билинади:
1. Севганининг сўзини бошқалар сўзидан устун қўяди.
2. Севганининг суҳбатини бошқаларникидан афзал кўради.
3. Севганини мамнун этишни бошқаларни хурсанд қилишдан устун қўяди.