Американинг собиқ президенти Фаластин мустақиллигини тан олишга чақирди
Американинг собиқ президенти Фаластин мустақиллигини тан олишга чақирди
Американинг собиқ президенти Жимми Картер Барак Обамани оқ уйни тарк этишдан олдин Фаластин давлатини тан олиш ҳақидаги қарорга имзо чекишга чақирди. Картер сешанба куни The New York Times газетасига берган интервьюсида шундай деган:
“Бундан кейин Америка ҳукумати Исроил ва Фаластин муаммосида қандай позицияда бўлиши менга қоронғу. Лекин янги ҳукумат келишидан олдин бу муаммони ҳал қилиш айни муддао бўларди”.
Картер ўз сўзида Исроил давлати тинчлик битимига амал қилмаётганига ҳам урғу бериб ўтган. Жумладан, Исроилнинг янги уй-жой қурилишини давом эттираётганини қоралаган.
Картер сўзини якунлар экан: “Американинг Фаластин давлатини тан олиши, Фаластиннинг Бирлашган Миллатлар Ташкилотига тўлақонли аъзо бўлиши ҳамда ушбу масала халқаро инсон ҳуқуқлари меъёрлари асосида ҳамда БМТ хавфсизлик кенгашида ҳал қилиниши, келгуси дипломатик алоқаларга пойдевор бўлади”, деган.