Матвиенко исломий анъаналар ҳурмат бажо келтирди
Россия Федерация кенгаши раисаси Саудия Арабистонига расмий ташрифи чоғида узун яшил кўйлак кийиб, бошига рўмол ўраб юрди.
«Известия» мухбирининг саволига жавоб берар экан, сенатор хоним мезбон мамлакатннг маданияти, урф-одатлари ва диний анъаналарини ҳурмат қилиш кераклигини таъкидлади.
Дипломатия маданияти деган тушунча бор: бошқа мамлакатга борганда у ернинг маданияти, урф-одатлари, диний қадриятларига ҳурмат бажо келтириш керак. – деди у. – Агар сиз кимгадир беписандлик қилсангиз, ҳеч қандай ишончли, ўзаро ҳурматли мулоқот қилиб бўлмайди. Улар бу муносабатга сабр қилиши мумкин, лекин бу нарса кўнгилга оғир ботади», – деди Федерация кенгаши спикери «Известия» мухбирининг саволига жавобда.
Валентина Матвиенконинг айтишича, Саудия Арабистони Маслаҳат кенгаши аъзоси бўлган аёллар унинг кийган либосига ижобий баҳо берган. «Бугун Маслаҳат кенгаши номзоди бўлган жуда кўп аёллар менинг олдимга келиб, Бизнинг анъаналаримизни ҳурмат қилганингиз учун раҳмат айтишди. Айниқса, айнан яшил ранг танлаганингиз учун ташаккур, у сизга жуда ярашар экан, дейишди», – дейди у.
«Аслида бу жуда кичик нарса, лекин дипломатик муносабатлар айнан ана шундай кичик нарсалардан ташкил топса, уларда тугунлар бўлмайди», – қўшимча қилди сенатор.