Киркукда ҳаёт изга тушмоқда
Ироқ хавфсизлик кучлари томонидан Курд кўнгиллилар қўшини (пешмерга)дан озод этилган Киркук шаҳрида вазият аста-секин нормаллашиб, ҳаёт изига тушмоқда.
Шаҳарда давлат идоралари одатдаги тартибда иш болшлади, савдо марказлари ва бозорлар очилди.
Киркук аҳолисининг «Анадолу» агентлигига айтишича, улар энди ҳаётлари учун хавотирда эмаслар ва ўз уйларини тарк этган ироқликларни қайтишга чақирдилар.
«Асл киркуклик ва келиб чиқишим курд бўлгани ҳолда айтаманки, бу шаҳарда менга ҳеч қандай хавф йўқ. Полиция ходимлари шаҳарда буткул назорат ўрнатиб, хавфсизликни таъминлаб туришибди», – деди шаҳарда яшовчилардан бири Рафиқ Аҳмад.
Яна бир киркуклик йигит Сирвон Собир эса Киркукда ҳарбий операциялар бошланиши билан ўз уйларинии тарк этиб Эрбил ва Сулаймонияга қочган шаҳарликлар аста-секин қайта бошлаётганларини маълум қилди.
«Мен ҳарбий амалиёт туфайли ўз уйларини тарк этганларни тушунмайман. Барча оилалар қисқа муддат ичида уйларига қайтишларини истар эдик», – таъкидлади у.
Ҳусайн Сабунжу эса сиёсатчиларнинг хатолари учун оддий халқ бадал тўлаётганини афсус билан таъкидлади.