Ҳалок бўлган юртдошларимиз ҳаққига дуо
Бугун Қозоғистон Бош муфтийси Серикбой ҳожи ҳазратларининг барча масжид имомларига йўллаган xатига биноан, бугун жума намозида кеча автобусдаги ёнғиндан ҳалок бўлган юртдошларимиз ҳаққига дуо қилинади.
Биз ҳам бу фалокат қурбони бўлган 52 нафар юртдошимизнинг ҳаққига дуо қилиб, Аллоҳ таолодан мағфират ва раҳмат сўраймиз, марҳумларнинг оила аъзолари, қариндошлари ва яқинларига чуқур таъзия изҳор қиламиз.
* Эслатиб ўтамиз, кеча Қозоғистоннинг Оқтепа вилоятида Россияга кетаётган автобус ёниб кетди. Автобус салонида жами 57 киши бўлган, улардан 52 нафари ҳалок бўлган. Қурбонларнинг ҳаммаси ўзбекистонлик. Ҳодиса жойига Ўзбекистон вакиллари йўл олган.
Иннаа лиллааҳи ва иннаа илайҳи рожиъун!