Юртбоши сизга умид ва қатъий ишончдамиз!
Шу бир ҳафтани ичида кетма-кет хушхабарлар кўнгилларни осмон қадар қувонтирди. Онамнинг ҳам, боламнинг ҳам тиллидан битта ибора «Юртбоши яхши одам экан-а?»
Юртбоши яхши юртбоши эканлар, дуолари ҳам кўкка кўтарилмаётган халқимнинг дуолари сабаб, юртга яхши Юртбоши келди.
Бугун ишхонада тушлик қилиб ўтириб, кечагина уйга қайтган, яъни 10 йиллик муддатга «тиқиб» қўйилган ҳамкасб опамизнинг акалари билан дийдор кўришганларини айтиб бердилар. Бир неча йиллардан бери хат киритмаган жойлари қолмаган, хатлар жавобсиз ҳам қолган, баъзида кескин, баъзида қўрқитув билан жавоб олишган. Муддатига икки йил қолганда, бир кечада авф тегиб қайтибтилар.
- Маниям 18 га тўлган қўшнимни уйидан варақа чиққани учун 15 йилга қамашган, қиз бола боши билан совуқ турмада 10 йил ўтирди, унгаям авф тегиб қайтди,- яна бир дастурхон артофидаги суҳбатдан. Қиз бола,18 ёш,10 йил турмада... Оххх чекасан, қалбинг зириллаб кетади..
Алҳамдулиллаҳ, юртда ёқимли шамол эса бошлади. Мактабида ҳам «учёт»да турган, анаву фалончининг ўғлига (қизига) назоратни қаттиқ қилиш тайинланган бегуноҳ болаларнинг ҳам «айбдор» оталари қайтмоқда.
Юртбоши биз Сизга ишоняпмиз!
Энди уйдаги энг аралашмайдиган аёлнинг нигоҳи ҳам кунлик янгиликларга муштоқ. Бугун қандай яхши янгилик бўларкин? Биз ҳар куни Сиздан мана шундай олийжаноблик кутишга ўрганиб қолдик. Сафарингиз ҳақида ўқисак, дилимиздан дуо қиляпмиз «Аллоҳ ўз паноҳингда асрагин»
Мен тадбиркорман! Бир йил аввал ҳам қайсидир мансабдорнинг остонасида иш юзасидан ижобий жавоб истагида мўлтираган умидларим, бугун дадил қадамларда шаҳд билан босмоқда. Энди қонунга ишоняпман. Энди қонунни рўкач қилиб, қонунан бажаряпман. Қонунни-Адолат биляпман.
Мазлумлари кўз ёшини артаётган юртнинг каттасига дуои хайр сурадим.
Мен тадбиркорман, фақат.. ҳа фақат сал «нето» жойим рўмолдаман, алҳамдулиллаҳ. Банкда, давлат идораларида, жамоат жойларида, транспортда, тадбир ва йиғинларда бўлишим керак. Бир четда индамайгина ғимир-ғимир қилиб тирикчилик қилиш эмас, шу Ватан учун улканроқ ҳисса қўшишни истайман. Мен рўмолдаман! Энг кичкина идора махаллага борсам ҳам, катта оғриқ билан чиқаман...рўмол...
Рўмолимни ечишни асло истамайман..!
Сизга умид ва қатъий ишончдамиз!
Аллоҳ бизнинг ниятларимизга етказсин!
Мадина Мўминова