Суриялик қочқинлар ватанига қайтмоқда
Туркияга қочган сурияликлар «Фурот қалқони» ва «Зайтун новдаси» номли ҳарбий амалиётлар натижасида PKK/KCK/PYD-YPG гуруҳи террорчиларидан озод этилган ҳудудларга қайтмоқда.
Туркиядан 120 нафар суриялик қочқин ватанига қайтди, уларнинг катта қисми аёллар ва болалардан иборат.
Суриялик қочқинлардан бири Юсуф ал-Ҳомудийнинг «Анадолу» агентлигига айтишича, бундан тўрт ярим йил аввал унинг қишлоғига террорчилар бостириб киришгач, оиласи билан Измирга кўчиб борган. У Туркия ҳамиша қочқинларни қўллаб-қувватлагани ва уларга ёрдам бериб келганини таъкидлади. Кўрсатилган мадад учун Туркия президенти Ражаб Тойиб Эрдўғонга ва бошқа амалдорларга миннатдорчилик билдирди.
2015 йилнинг 1 октябридан бери «Онжупинар» назорат-ўтказиш пункти орқали Туркиядан Сурияга 60 минг нафар суриялик қочқин қайтиб ўтган.