Саудия: Рамазонда оилалар даромадининг 80 фоизини озиқ-овқатга сарфлайди
Иқтисодийёт бўйича мутахассислар Саудия Арабистонидаги оилалар Рамазон ойида ўз даромадининг 80 фоизини озиқ-овқат маҳсулотлари сотиб олиш учун сарфлашини аниқлади
Ал-Мадина кундалигининг маълум қилишича, айрим супермаркетлар кўпроқ маҳсулот сотиб мўмай даромад ишлаб олиш учун аллақачон реклама кампаниясини бошлаб юборган.
Қирол Абдулазиз университетининг иқтисодиёт бўйича профессори Др.Фаруқ Ал-Ҳатииб Рамазон ойида кўп миқдорда озиқ-овқат маҳсулотларини ғамлашдан кўзланган мақсад кўпроқ мижозларни жалб этишдан иборат эканини урғулади.
“Мижозлар рекламаларга алданиб ўзларига керакли бўлмаган озиқ-овқат маҳсулотларини сотиб олишига йўл қўймаслик учун Савдо вазирлиги супермаркетларга ўз назоратчиларини жўнатиши лозим”, - дейди Қирол Абдулазиз университети профессори.
Др.Фаруқ Ал-Ҳатииб яроқлилик муддати тугашига оз қолган озиқ-овқат маҳсулотларини арзон нарҳга сотиб даромад кўраётган дўконларни танқид қилиб мижозларни маҳсулот сотиб олишдан олдин унинг яроқлилик муддатини диққат билан текширни тавсия қилди.