Меҳнат муҳожирининг ҳиммати
Туркиянинг Самсун шаҳрида ажойиб бир ҳодиса рўй берди. Трамвайда кетаётган йўловчилардан бири: “Укажоним, оёқ яланг юриб бўлмайдику?”, дея поябзалини ечиб, уни суриялик яланг оёқ болакайга кийдирдида, ўзи бир пайпоқда йўлини давом эттирди.
Унинг мурувватидан қаттиқ таъсирланган йўловчилар: «Аллоҳга шукрки, сендек олижаноб кишилар ҳали-ҳануз ҳам бор. Сен бизларга одамийликдан сабоқ бердинг», дея унга ташаккур ва мақтовлар айтишди. Аниқланишича, феъли кенг ва қўли очиқ бўлган бу йигит асли ироқлик 21 яшар Муҳаммад Ал-Самария экан. У тўрт йил аввал Туркияга иш излаб келиб, ҳозирги кунда қурилишда меҳнат қилмоқда. Унинг хайрли ишидан илҳомланган одамлар ўзи ва оиласига кўмак кўрсатиш учун суриялик болакайни қидириш билан овора. Илоҳим, Муҳаммад Ал-Самария каби қалби очиқ ва муҳтожлардан ёрдамини дариғ тутмайдиган инсонлар кўпаяверсин! Зеро, раҳм қилган раҳм кўради.