Саудия Арабистонидаги биринчи метро
Олдин хабар бериб ўтганимиздек, Саудия Арабистони ҳукумати АҚШ, Испания ва Италиянинг қурувчилик корхоналари билан шартнома имзолади. Шартноманинг нархи 22,4 млрд АҚШ долларини ташкил этади. Ушбу метрополитен 6 бекатдан иборат бўлиб, у мамлакатдаги биринчи метродир. Метро бекатлари ҳукумат бошқармалари, университетлар, аэропорт ва King Abdullah молиявий маркази жойлашган ҳудуддадир.
Шартнома американинг Bechtel Group Inc ($9,4 млрд), испаниянинг Fomento de Construcciones y Contratas ($7,8 млрд) ва Италиянинг Ansaldo STS SpA ($5,2 млрд) корхоналари билан имзоланган.
Йўл узунлиги 176 кмга етади. Электропоездлар машинист ҳайдовчисиз автоматик тарзда бошқарилади. Қурилиш 2014 йилнинг биринчи чорагида бошланиши режалаштирилган ва қурилиш 5 йил давом этади. Метро қурилишига 15 минг қурувчи жалб этилади.