Бугун Остонада келишув музокаралари бошланади

 Бугун Сурия муаммосини сиёсий музокаралар йўли билан барҳам беришга бағишланган Остона учрашуви маҳаллий вақт билан 13:00да бошланади.

У ёпиқ эшиклар ортида бўлиб ўтади. Бу ҳақда, Қозоғистон ташқи ишлар вазирлиги сайтида эълон қилинган.

Остонда 23-24 январ кунлари Россия, Туркия, Сурия ва Эрон вакиллари иштирокида Сурияда тинчлик ўрнатиш музокаралари бўлиб ўтади. Айни дамда ушбу музокараларга изчил тайёргарлик кўрилмоқда, деб хабар қилади sputniknews.

Россия президентининг махсус вакили Александр Лаврентьев: "Умуман олганда биз эртага бўлиб ўтадиган музокараларга маълум умид билан қарамоқдамиз.Тинчлик ўрнатишга имкон бериш кераклигини барча иштирокчилар яхши тушунмоқда. Сурияда қарама-қарши турган томонларга ярашиб олишга имкон бериш керак, жумладан 8 февралда бўлиб ўтадиган Женева музокараларида ҳам", — деди.

Музокараларга тайёргарлик доирасида кеча 22 январ куни Остонада Россия, Туркия ва Эрон делегациялари олти соат давом этган музокаралар ўтказишди.
Ундан кейин эса, Россия вакиллари Сурия ҳукумати делегацияси ва Сурия мухолифати вакиллари делегациялари билан ҳам алоҳида музокаралар ўтказди.
Бугун 13:00да бошланажак музокаралар, бир кун ўтгач, 24 январь 13:00да якунланади.

Музокаралар ўтказиш жойи сифатида Rixos President Astana меҳмонхонаси танланган.

Эслатиб ўтамиз, ушбу музокараларда БМТнинг махсус вакили Стаффан де Мистура ҳам иштирок этмоқда. Музокаралардан олдин де Мистура АҚШ элчиси билан учрашган эди. Учрашувдан кейин АҚШ элчиси музокараларда кузатувчи сифатида иштирок этиши маълум бўлди. Лаврентьев айтишига қараганда,  Стаффан де Мистура Россиянинг Сурияда тинчлик ўрнатиш саъй-ҳаракатларига тўлиқ тушунган ва қўллаб-қувватлаётган.

Айни дамда Сурияда тинчлик ўрнатиш шартномасининг якуний кўриниши ҳали тайёр бўлмаган, томонлар унинг устида ишламоқда.