Уч нарса борки… (15-қисм)
- Written by Администратор
Расулуллоҳ соллаллоҳу алайҳи васаллам шундай деганлар: «Уч нарсага қасам ичаман:
1. Банданинг моли садақа ила нуқсонга учрамас.
2. Банда бир зулмга учраса-ю, унга сабр қилса, албатта Аллоҳ унинг иззатини зиёда қилур.
3. Банда тиланчилик эшигини очса, албатта Аллоҳ унга фақирлик эшигини очар».
* * *
«Матлаъул-улум» китобида шундай ёзилган: «Инсоннинг жисми уч қисмдан: дил, тил ва вужуддан иборат:
1. Дил инсонга тавҳид учун;
2. Тил шаҳодат учун;
3. Вужуд ибодат учун берилган».
* * *
Пайғамбар алайҳиссалом ҳадисларида келтирилишича, уч кимсага Аллоҳ таоло раҳмат назарини ташламайди, уларга қиёматда қаттиқ азоблар бор:
1. Почасини судраб юрувчи одам;
2. Миннатчи кимса;
3. Ёлғон қасам билан молини ўтказувчи.