Қримнинг тарихий мадрасаси мусулмонлар ихтиёрига топширилган
Интерфакс хабарига кўра, аввал “Қрим” хайрия фондига тегишли бўлган Боғчасаройдаги “Занжирли-мадраса” биноси Қрим муфтийлиги ихтиёрига топширилган.
“Мадраса диний объект бўлгани боис, у Қрим мусулмонлари диний идорасига берилди”, - дейди Қрим прокуратураси хайъати йиғилиши мобайнида республика прокурори Наталья Поклонская.
“Занжирли-мадраса” Боғчасаройнинг чеккасида бўлиб, Успенский православ ибодатхонаси ва ўрта асрларга тегишли “Чуфут-қалъа” шаҳар-қалъаси вайроналари яқинида жойлашган. Мазкур мадраса 1500 йилда барпо этилган бўлиб, Қримдаги диний таълим маркази ҳисобланган. Ҳозирда мадраса таълим муассасаси сифатида фаолият юритмагани боис, турист ва зиёратчилар учун очиқ.