Сharlie Hebdo суриялик чўкиб ўлган болачага карикатура чизди
Қабиҳ иғволари билан машҳур бўлган Charlie Hebdo журнали Суриядаги уришдан қочиб, сувда чўкиб ўлган ҳамда Туркия қирғоқларида жасади топилган болачага чизилган карикатурасини эълон қилди. Журналларида босиб чиқарилган масҳара расмлар жамоатчилик ғазабини қўзғаб юборди, деб хабар қилади The Daily Mirror.
Нашриётнинг хабар беришича, журнал муқовасида туркия қирғоғида ўлиб ётган бола ва "Мақсадга жуда яқин",д еган ёзув акс эттирилган. Ёнида эса, ресторан тасвирланган ва унда: "Биттасининг нархида иккита болалар менюси" деб ёзилган.
"Европа насронийлигига далил" деб сарлавҳа қўйилган иккинчи карикатурада сув устида юриб кетаётган бир шахс Исо алайҳиссалом дея тасвирланган ва унинг ёнида боши сувга ботиб, жасади сузиб юрган ўлик болакай чизилган. Расм остига "Христианлар сувда юради, мусулмон болалар эса унда чўкиб кетади", дея битилган.
Ресурснинг таъкидлашича, ижтимоий тармоқ фойдаланувчилари журнални танқид остига олишган. Интернетда бунга ўхшаш карикатуралар "Франциянинг ахлоқан чўкканлиги"нинг исботи, Charlie Hebdo эса, "ҳокимият эгалари қолиб, ҳимоясизларгагина ҳужум қилишга ярайди холос", деган маънодаги шаҳрлар кўпайди. Франциянинг қора танли ҳуқуқшунослари уюшмаси журнал устидан Халқаро Жиноят Судига арз қилишини эълон қилди.
Журнал муаллифларига кўра, улар ирқий ва диний сарқитлар устидан кулишни мақсад қилган эмишлар.
2 сентябр куни Бодрумлик Нилуфар Бодрум уч ёшлик Алан Курдийнинг қирғоқда ўлиб ётган жасадини суратга олган эди. Болача ота-онаси билан бирга ватанида давом этаётган уришдан қочиб келаётганларида қайиқлари ағдарилган. Болача, унинг акаси ва онаси чўкиб кетган хамда жасадлари Туркия қирғоқларига чиқиб қолган. Ушбу расмни жуда кўп Европа нашриётлари ҳам босиб чиқарди.
2015 йили 7 январ куни Парижда жойлашган Charlie Hebdo журналига учта қуролланган шахслар ҳужум қилган эдди. Натижада, 12 одам ўлдирилган. Улар орасила журналнинг 10 ҳодими ҳам қатл қилинган. Ҳужум қилганлар ҳам бир оз муддат ўтгач ўлдирилди. Ҳужумга сабаб эса, Charlie Hebdo журналида Пайғамбаримиз саллаллоҳу алайҳи вассаломни масхара қилиб чизилган расмларнинг чоп қилиниши эди.