Путин сурати туширилган ҳижоб россиялик мусулмонларни жунбушга келтирди
Россиялик мусулмонча кийимлар дизайнери Зуҳра Абушаева – ТМ Zuhra Россия президенти Владимир Путин сурати туширилган ҳижобни тақдим этди. Ушбу кийим тақдимоти РФ мусулмон диний бошқармаси томонидан Россия ва МДҲ мусулмон уламолари иштирокида ташкиллаштирилган «Иймон, этнос, миллат - таназзул ва ўзгаришлар даврида» Халқаро илмий-тадқиқот анжумани доирасидаги «Ўзимизникиларни ташлаб қўймаймиз» номли ватанпарварлик кўргазмасида тақдим этилган.
Зуҳра Абушаеванинг ушбу коллекциясининг қизил кўйлакдаги деворий сурат усулида чизилган Путиннинг портрети туфайли маросим иштирокчиларида катта таассурот қолдирган бўлса, баъзиларнинг норозилигини уйғотган. Бунга жавобан аудитория билан суҳбатда ушбу кийим орқали дизайнер В. Путинга давлат бошлиғи сифатида ўз эҳтиромини изҳор этмоқчи бўлганини айтиб ўтган.
Ибн Маъруф тайёрлади