Олимлар алкоголнинг энг кам миқдори ҳам хавфли экани ҳақида огоҳлантиришди
Олимлар алкоголнинг энг кам миқдори ҳам хавфли экани ҳақида огоҳлантиришди
Америка юрак уюшмасининг хабар қилишича, америкалик шифокорлар «спиртли ичимликларни «меъёрида» истеъмол қилишнинг юракка фойдаси бор» деган машҳур хомхаёлни рад қилиб, алкоголнинг энг кам миқдори ҳам соғлик учун хавфлидир, деган хулосага келишди.
Олти йил давомида олиб борилган 17600 дан ортиқ тадқиқот давомида 5220 кишининг саломатлиги, одатлари, ейдиган таоми ва ичадиган ичимликлари ўрганиб борилган.
Маълум бўлишича, ҳар куни 10 грамм спиртли ичимлик ичиш юраколди фибрилляцияси (юракнинг уриш маромининг бузилиши) хасталигининг ривожланиш хавфини 5 фоизга оширар экан.
Агар ҳар куни яна 10 грамм ичиб юрилса, чап юраколди қисмининг 0,16 миллиметрга кенгайиб кетишига сабаб бўлар экан.
Тадқиқотчилар алкогол истеъмолидан воз кечилса, юрак касалликларининг пайдо бўлиш хавфини камайтириш мумкин деган хулосага келишди
Бундан сал аввал олимлар организмдаги баъзи нейронларнинг фаоллашуви инсоннинг алкогол ичиш истагига таъсир кўрсатиши, жумладан, уни блоклаб қўйиши мумкинлигини эълон қилишган эди.
«Бу нарса келгусида ичкиликбозликдан батамом халос бўлишнинг самарали усулига айланиши мумкин», дейишди Калифорниядаги Скриппс илмий-тадқиқот институтининг мутахассислари.