«Арсенал» ҳимоячиси Мустафи мусулмон эканидан бахтиёр
Англиянинг машҳур футбол клубларидан бири «Арсенал»нинг ҳимоячиси Шкордан Мустафининг айтишича, унинг мусулмон экани кўп сафарларда ва Рамазон ойида бўладиган ўйинларда ибодатларга машаққат туғдирса-да, унга катта далда беради. Мустафи Олмониянинг «Билд» газетасига берган интервьюсида шундай дейди:
«Мен мусулмонман. Ислом мен учун ҳамма нарсадан устун. Лекин баъзи ҳолларда сафар сабабли намозларимни ўз вақтида адо қилолмаганимдан афсусланаман. Хусусан, 2016 йилги Европа чимпионати Рамазон ойига тўғри келгани сабабли фарз рўзани тутишга қийналдим. Лекин шунга қарамай мен бу машаққатларни енгиб ўтдим. Мен доим Қуръони каримни тиловат қилишдан оғринмайман. Аксинча, бу менинг руҳий озуқамдир. Қуръонда зикр қилинган пайғамбарлар ҳаётини севиб ўқийман. Жаннатга дохил бўлишга сабаб бўладиган аммалларни доимо қилишга ҳаракат қиламан. Ислом – ҳаётимнинг мазмуни, усиз ҳаётимни тасаввур қила олмайман».
Мустафи матбуот вакиллари билан мулоқот чоғида Испаниянинг «Валенсия» клубида тўп сурган даврида унга спиртлик ичимлик тортиқ қилингани, у эса ўша ичимликни рад қилгани, бу ичимлик Исломда мутлақо ҳаром экани ҳамда бу каби ичимликларни ичишдан бутунлай воз кечгани ҳақида ҳам айтиб ўтган эди.