Канадада исламофобия тўғрисида қонун қабул қилинди
Канадада исламофобия тўғрисида қонун қабул қилинди
ВВСнинг хабар беришича, ушбу қонун лойиҳаси иккинчи уринишдан кейингина маъқулланган. Бундан аввал, 6 октябрдаги овоз беришда бу қонун инкор қилинган эди. «Бу ниҳоятда эзгу ва рамзий ҳужжат бўлди», – дейди либерал парламент аъзоси Умар ал-Габра. Канада парламенти аъзоларининг аксарият қисми исламофобияга қарши курашиш керак деган фикрда муштаракдирлар.
«Кимнингдир бундай ҳужжатга қарши бўлиши ақлга сиғмайди. Исламофобия – нафратнинг бир кўриниши, холос. Унга қарши курашиш керак», – дейди парламент депутати Томас Малкейр.
Канадалик мусулмонларнинг айтишича, бундай қонуннинг кучга кириши уларга ўзларини хавфсизликда, қонун ҳимоясида эмин-эркин ҳис қилишга имкон беради.
Эслатиб ўтиш жоизки, сўнгги пайтда мамлакатда бу борада бир неча кўнгилсиз воқеалар содир бўлган эди: университетлардан бирида исламофобик кайфиятдаги плакатлар илиб кетилган, Мусҳаф ёқиб юборилган, кўчада кетаётган муслималарга ҳужумлар уюштирилган эди.
Манба: Инфо-ислам.ру