2016 йилдаги 1миллионлик Global Teacher Prize мукофоти соҳибаси Фаластинлик Ханан ал- Хруб бўлди
Байтлаҳм шаҳридаги қочоқлар лагерида улғайган Ханан ал-Хруб бошланғич таълим ўқитувчиси бўлиб, илк мактаб даврида зўравонликдан азоб чеккан алоҳида эътиборга муҳтож болаларга ёрдам беришга қарор қилди.
Global Teacher Prize - таълим соҳасидаги профессионал ютуқларга эришган ва ўз соҳасига катта ҳисса қўшган мураббийларга топшириладиган халқаро мукофотдир. Ушбу премия Varkey Foundation ташкилоти асосчиси 1957 йилда Ҳиндистонда туғилган Санни Варкем томонидан 2015 йилда таъсис этилган бўлиб, дунё бўйлаб таълим олишни енгиллаштириш учун хизмат қилади.