Ака ука уммоннинг икки томонида
Ака-ука Шон ва Ли ёшликларида ғарб ёшлари учун оддий бўлган ишлар билан машғул бўлганлар: ичкилик, клубма - клуб юриш, қимор ўйнаш, баъзан эса қора дори истеъмол килиш билан вақтларини ўтказар эдилар.
Лекин вақт ўтгач Шон исмини Абдулга ўзгартириб тақводор мусулмонга айланди, Ли эса Англиянинг химоя лигаси уюштирган Исломга қарши намоийшлар билан бутун Британияни айланиб чиқди.
Йўллари тубдан фарқланиб қолган ака-уканинг тарихи Channel 4нинг "Радикал (мутарриф) ислом биродарлари" номли лойихасининг қиссасига айланган.
IslamNews ҳабар беришича Шон Исломни 7 йил аввал қабул қилган ва филмда то Исломни қабул қилгунича ҳаёт сўқмоқларида саргардон бўлганлиги тўғрисида айтиб: "Бу хаётимни тубдан ўзгартириб юборди. Олдинги турмуш тарзимдан бутунлай юз ўгирдим." дейди малла соқоллик мусулмон.
Ли акасининг қароридан ҳайратда қолди: "Мен унда бир сир борлигини сезар эдим, бесоқолбозликка ёки шу кабилардан гумон қилиб кўрдим, лекин бунақасини кутмаган эдим. Агар уни динга тортган бўлса у насронийликка киришиб кетиши мумкин эди, лекин Исломга эмас", дея шикоят қилади катъий ўнг қарашли-миллатчи.
Исломни қабул қилганидан сўнг Абдул Бермингемга кўчиб борди ва бўлажак рафиқасини учратиб унга уйланди.
Шу вақтнинг ўзида Ли ўнг қарашларга эга бўлган уюшган гуруҳ билан Британияни гўёки "исломлантирилаётганли"га қарши чиқишлар билан мамлакатни кезарди.
Ака-укаларнинг сўзларига кўра уларнинг дунёқарашлари фарқли бўлишига қарамай улар бир бирларини яхши кўришда давом этишмоқда.