Ҳиндуизм террорчилигига қарши норозилик
Ҳиндистоннинг минглаб аҳолиси сигир гўштини истеъмол қилганлари учун мусулмонларга нисбатан уюштирилаётган ҳужумларга қарши норозилик намойишларини уюштиришди.
Ўтган жума куни 20 нафар ҳинду ҳарбий поездда тўрт нафар мусулмонга ҳужум қилишган. Вояга етмаган бир мусулмон фарзанди ҳаётдан кўз юмган. Ҳужумга сабаб сигир гўштини истеъмоли борасида юзага келган баҳс бўлган. Маълумки, ҳиндуийлик динига кўра, сигир муқаддас ҳайвон ҳисобланади. Ислом динида эса, дин қоидаларига кўра сўйилган сигир гўшти билан таомланишга рухсат берилган.
Радикал ҳиндулар томонидан мусулмонларнинг ўлдирилишига қарши Ҳиндистоннинг ўнта энг катта шаҳарлари, жумладан, Мумбай, Калкутта ва Янги Деҳли аҳолиси норозилик намойишлари билан чиқдилар. Уларнинг қўлларида “Менинг номимдан эмас” ва “Сигирга оид террорчиликка чек қўямиз” каби ёзувлар бор эди.
“Мумбайдаги норозилик намойиши иштирокчилари шиорларни баралла айтишдан ўзларини тийдилар ва шаҳар кўчалари бўйлаб “Ҳиндуийлик террорчилигига қарши курашамиз” деб ёзилган лавҳалар билан тинчгина намойиш ўтказдилар”, деб хабар беради Ал Жазира.
“Мен ҳиндуман. Сигирни ўз онам деб ҳисоблайман. Лекин инсонларни ўлдириш тўғри иш эмас”, дейди намойиш қатнашчиси Нарендра Бхандари.
“Мамлакатимда юзага келган ҳозирги вазиятдан хавотирдаман. Биз бундай ваҳшийликка қарши курашишимиз керак”, дея таъкидлайди намойишнинг бошқа иштирокчиси Анджан Дутта.
Абдулатиф Иргашев таржимаси