Ёш болаларни контрабандаси ва савдоси билан шуғулланувчи раввин фош этилди
Исроилдаги “Едиот ахаронот” газетасининг журналистлари мамлакатдаги раввинлар гуруҳи ҳоккупация қилинган Фаластин ҳудудларидан ҳомиладор аёлларни АҚШга олиб чиқиб, янги туғилган чақалоқларини сотиш билан шуғулланиб келгани тўғрисида хабар беришмоқда.
Газета ёзишича, контрабанда тармоғини ортодоксал яҳудийлар орасида таниқли бўлган тадбиркор-раввин Аарон Йосефи бошқарган.
Жинояткор тармоқни фош этиш учун ҳимоя остига олинган агент Дебора Лей ҳомиладор аёл ролида “ишга киришган”. У Йосефи ёш ҳомиладор аёлларни АҚШга жўнатаётганини, улар ўша ерда бола туғишаётганини тан олганини маълум қилди. Америкада янги туққан аёлларга чақалоқни фарзандликка қабул қилиш тизимига ўтказиш учун катта пул эвазига сотиш таклиф этилади. Хусусан, ҳомиладон агент аёлга янги туғилган чақалоқ учун 50 минг доллар таклиф этишган.
Йосефи Лейга: “Агар менинг ортимда қанақа одамлар турганини билсанг, ишонмаслигинг мумкин, - деб айтган. - Булар ички ишлар вазирлиги, полиция, бир нечта мэриянинг одамлари бўлади. Мен бир марта ИИВ мулозими билан агар у менга (ҳомиладор аёлларни) жўнатишга кўмак берса, фоизсиз кредит олиб беришга келишиб олдим”.
Қайд этилишича, Йосефи Литвадаги “Дегел Харота” - “Яҳудийликнинг бирлашган Тавроти” партиясининг аъзоси бўлади.
Мадина Муҳаммад таржимаси