Шимолий Америка Ислом жамияти (ISNA) Ҳьюстондаги сув тошқинидан жабрланганларга хайрия ёрдами кўрсатди
“ISNA зудлик билан ўзининг шошилинч ёрдам жамғармасидан 100000 доллар хайрия қилди ҳамда барча ISNA аъзоларидан ва жабрланганларнинг азиятига бефарқ қарамайдиган одамларда қўлларидан келганича хайрия қилишни сўрайди”, - деди жамиятнинг президент вазифасини бажарувчи Парвез Насим.
Ушбу маблағлар маҳаллий Islamic Society of Greater Houston (ISGH) ташкилоти орқали ажратилмоқда. ISGH қутқарилиш, озиқ-овқат, сув ва бошпанага муҳтож бўлган одамларга ёрдам кўрсатди, шунингдек, тақсимот марказларида ва турли масжидларда гигиена воситалари, озиқ-овқат ва сув тарқатилмоқда.
ISNA кенгаши аъзоси Зейн Пател Ҳьюстондаги ўз баёнотида билдиришича, “Мисли кўрилмаган ёмғирлар ҳамда вайронакор сув тошқини ва “Ҳарви” бўронидан кўплаб оилалар жабрланди. Бу оилалар уйларидан маҳрум бўлдилар ва келажакда ўзларини нима кутаётганини билмайдилар. Мазкур жабрланганлар бизнинг ватандошларимиз, улар бизнинг моддий ва маънавий ёрдамимизга муҳтож ва ўз уйларининг қайта тикланишида бизнинг ёрдамимизга ҳамда тезда соғайиб кетишларига умид қиладилар”.
Мадина Муҳаммад таржимаси