Мисрнинг "Нур Мубарак" университети Қозоғистонга топширилиши мумкин
Мисрнинг “Нур Муборак” университети Қозоғистон тасарруфига ўтиб кетиши мумкин, дея маълум қилди Қозоғистон дин ва фуқаролик жамияти вазирлиги матбуот хизмати.
“Қозоғистон ақида мактабини ривожлантириш масаласи кўриб чиқилмоқда. Шу муносабат билан Қозоғистон Мусулмонлари диний идорасига мадрасаларни коллежларга айлантиришга кўмак берилмоқда. Бундан ташқари, Мисрнинг “Нур Муборак” университетини Қозоғистон тасарруфига ўтказиш бўйича музокаралар ўтказилмоқда”, - дейди Дин ва фуқаролик ишлари вазири Нурлан Ермекбаев.
Қозоғистон Мусулмонлари диний идораси масжид имомларининг малакасини ошириш бўйича чора кўрмоқда. Бунинг учун экстремизм профилактикаси бўйича қайта тайёргарлик кўриш институти барпо этилади. У “Нур Муборак” университети базасида Қозоғистон вазирлигининг услубий ёрдам билан фаолият юритмоқда.
Мадина Муҳаммад таржимаси