Туркия президенти Эрдўғон Мьянма раҳбарини огоҳлантирди
Эрдўғон ва Мьянма раҳбари ўртасида телефон мулоқоти бўлиб ўтди.
Yenicag.Ru нинг «Ени Шафак» турк нашрига таяниб маълумот беришича, бугун Мьянма (Бирма) раҳбари Аун Сан Су Чжи ва Туркия президенти Эрдўғон ўртасида телефон суҳбати бўлиб ўтди.
Суҳбат чоғи Эрдўғон Бирманинг Аракан штатида истиқомат қилаётган роҳинжа мусулмонларига қарши қўлланилаётган зўравонликлар туфайли хавотир билдирди. Эрдўғон агар вақтида зўравонликлар тўхтатилмаса, жараён авж олиб, ҳудуд бетартиб уруш исканжасида қолиши мумкинлигини таъкидлади.
Турк нашрининг ёзишича, Эрдўғон Мьянма раҳбари билан будпараст мутаассибларнинг ҳужумларидан Бангладеш чегарасида жон сақлашга уринаётган қочоқларга ёрдам кўрсатиш учун инсонпарварлик йўлаги очиш масаласини муҳокама қилди.
Сўнгра Эрдўғон тинч аҳолига нисбатан зўравонликларни қоралади ва Чжи хонимнинг Роҳинжадаги вазиятни барқарорлаштириш учун бор кучини сафарбар этишга чорлади.