Мусулмонлар ҳинд террорига қарши кутилмаган жавоб бердилар
Ҳиндистонда сигирларни қўриқлаш баҳонасида жанггари ҳиндийлар томонидан мусулмонларни ўлдиришлар давом этаётганига қарамай, бу мамлакатдаги мусулмонлар ғайридин вакилларига нисбатан яхши муносабатни намойиш этишда давом этишмоқда.
Мадҳия-Прадеш штатидаги Ҳарда шаҳарлик мусулмон фаоли Саид Хон ўзи яшайдиган манзилда вақф қўмитасининг раиси бўлиб ишлайди.
Саид яқинда маҳаллий ҳиндийлар ибодатхонасидан овоз кучайтирувчи карнайни ўғирлаб кетишганини билиб қолди – мусулмон ибодатхона ёнидан ўта туриб, ичкаридан диний қўшиқлар эшитилмай қолганини сезиб қолади ва ибодатхона ноибидан нима бўлганини сўрайди.
Хон ва унинг диндошлари ҳеч иккиланмай пул тўплаб ҳиндийлар ибодатхонаси учун янги овоз кучайтирувчи карнайни олиб берадилар, дея хабар беради IslamNews агентлиги The Quint нашрига ишорат билан.
“Баъзи одамлар масжидлар ва ибодатхоналарнинг овоз кучайтиргичлардан фойдаланиши тўғрисида бир-бирига зид фикрларни билдирсаларда, мен Ҳиндистонда халқ ҳеч қачон бунга қарши эътироз билдирмаган, демоқчиман”, - дея қайд этди мусулмон фаоли.
Мадина Муҳаммад таржимаси