Махмуд Аббос ўз қароргоҳини кутубхона учун бўшатиб берди
Фаластин раҳбари Маҳмуд Аббос ўзининг Рамаллаҳдан ташқарида жойлашган чет эл делегациялари билан учрашадиган расмий қароргоҳини миллий кутубхонага айлантириш учун бўшатиб беришга қарор қилди.
Бу ҳақда Фаластин Мухториятининг расмий вакили Муҳаммад Штайаҳга таянган ҳолда Wafa ахборот агентлиги хабар беради.
Қайд этиш жоиз, сарой биноси қуриб битказилган. Айни пайтда вертолёт майдончасида қурилиш ишлари якунига етмоқда. Сўнгги пайтларда фаластин расмийлари инқироз шароитида қимматбаҳо қурилиш қилаётгани боис қаттиқ танқидган учраганди. Сарой қурилишига 13 млн доллар ажратилган. Фаластин расмийлари қурилиш солиқ тўловчилар ҳисобидан эмас, балки халқаро донорлар ажратиб берган ёрдам пули ҳамда фаластиндаги хусусий фирмалар маблағлари эвазига қурилмоқда деб таъкидлаб келишган.
Мадина Муҳаммад таржимаси