Мянма армияси чегараларни миналамоқда
Мянмадан навбатдаги ташвишли ва даҳшатга солувчи хабарлар келмоқда –ҳарбийлар Бангладеш билан чегараларни миналамоқда, бу, тахмин қилинишича, мамлакатдан чиқиб кетган қочоқларнинг қайтиб келишига тўсқинлик қилиш учун амалга оширилмоқда.
Бангладеш ҳукуматидаги икки манбанинг маълум қилишича, давлатлар орасидаги чегараларга Мянма томонидан мана 3 кундирки миналар кўмилмоқда. Миналаш билан махсус кийимдаги номаълум кишилар – бенгал разведкасининг маълумотларига кўра, бирмалик ҳарбийлар – шуғулланяпти.
Манзурул Ҳасан Хон исмли бенгал чегарачиси душанба ва сешанба кунлари чегаранинг Мянма томонидан 2 та портлаш овозини эшитгани ҳақида маълум қилди, дея хабар беради Al Jazeera.
Хоннинг сўзларига кўра, кеча шундай портлашлардан бири натижасида бир боланинг оёқлари узилиб кетган, уни Бангладеш ҳудудидаги касалхонага олиб кетганлар.
Миналаш олиб борилаётганини тасдиқловчи фотосуратлар ва бошқа далилларга қарамай, Мянма армияси буни рад этмоқда.