Мусулмонлар иккинчи хотин қидирадиган мобил иловадан норози
Индонезия мусулмонлари мамлакатда ишга туширилган “яна битта хотин топиш” иловасидан қаттиқ норозиликларини баён этяптилар. The Independent нашрининг ёзишича, AyoPoligami хизмати ўзини “катта оила орзусидаги аёллар билан таништирувчи илова” сифатида тақдим этяпти. Эътиборлиси, Индонезияда кўпхотинлилик расман тақиқланмаган, аммо иккинчи хотинга уйланмоқчи бўлган эркак биринчисидан розилик олиши ва суднинг маъқулловчи қарорига эга бўлиши керак. Маҳаллий фаолларнинг таъкидлашича, кўпинча бу ҳужжатлар сохта бўлиб чиқади. Илова билан ҳам шундай бўлди. Қаттиқ танқиддан сўнг муаллифлар илова қоидаларини қаттиқлаштиришга, жумладан, фойдаланувчининг мажбурий идентификациясини жорий этишга сўз бердилар. Идентификациядан ўтиш учун суд қарори ва биринчи хотиннинг ёзма розилиги керак.