Франция ҳокимлари фаластинлик махбуслар кўришга боришмоқчи
Исроилга расмий ташриф буюрган фаранг ишчи гуруҳ аъзолари Тель-Авив туткунликда ушлаб турган фаластинлик маҳбусларни хусусан Марвон Баргутини кўрмоқчи эканликларини маълум қилишди. Жаноб Баргутини кўриш истагини Париж ёнидаги Женевиллиерс шаҳарчаси ҳокими Патрик Леклерк ҳам билдирди.
Ундан ташқари, ҳоким жаноблари Исроил томонидан зиндонбанд қилинган фаранг-фаластин фаоли Салоҳ Хамурини ҳам кўрмокчи эканлигини айтди. Жаноб Леклеркнинг сўзларига кўра, фаластинлик махбуслар ўз она юртларини озод этиш мақсадида кураш олиб борганлари учун қамоқда ўтиришибди. Уларни қамоқдан озод этиш харакатларини Фаластин давлатининг мустақиллиги учун килинаётган иш деб қабул қилиш керак, деб таъкидлади жаноб Леклерк. Расмий Тель-Авив тиш тирноғи билан қарши бўлганлиги боис фаранг фаолларининг ниятлари амалга оширилиши амри маҳолдир. Исроил хукумати олдинроқ айнан шу ишчи гурухнинг 7 вакилига ўз ҳудудига киришни таъкиклаган эди.