Уммонлик шифокорлар бирданига 191 та шишни олиб ташлаб рекорд ўрнатди

Ўтган ҳафта Уммонда тўрт соат давом этган жарроҳлик вақти шифокорлар бир аёл бачадонидан рекорд миқдорда – 191 дона шишни олиб ташлади.

Мазкур мураккаб жарроҳлик амалиётини уддалаган Стар Cаре шифохонаси янги рекордни қайд этиш учун Гиннес рекордлар китобига мурожаат қилди.
Шифокорларнинг сўзларига кўра, шу пайтгача Мисрда бир бемордан олиб ташланган 186 та шиш рекорд саналиб келарди.
«Аёлнинг яна фарзанд кўриш истагини ҳурмат қилган ҳолда биз унинг бачадони ва тухумдонларини сақлаб қолдик» – деди жарроҳликни амалга оширган доктор Абдулрашид.
Касалхона маъмуриятининг сўзларига кўра, аёл ва унинг қариндошлари яна икки кундан сўнг уйга кетишади.