Фаластинда президент сайлови бўлади
2018 йилнинг охиригача Фаластинда парламент ва президент сайловлари бўлиб ўтади.
Қоҳирада бўлиб ўтган фаластинликлараро сиёсий диалог натижаларига кўра шундай қўшма баёнот қабул қилинди. Овоз беришнинг аниқ санасини яқин кунларда Фаластин мухториятининг ҳозирги раҳбари Маҳмуд Аббос эълон қилиши кутилмоқда.
Эслатиб ўтамиз, октябрь бошларида бўлиб ўтган Қоҳирадаги учрашувда Фаластиннинг ХАМАС ва ФАТҲ ҳаракатлари ярашув ҳақида шартномани имзоладилар. Таъкидланишича, ҳужжатнинг мақсади 10 йилдан бери давоми этиб келаётган зиддиятга чек қўйиш ва Фаластин Миллий бирлик партиясини шакллантириш учун йўл очишдир.