Эронлик курашчи Исроиллик рақибга дуч келмаслик учун атайлаб россиялик курашчига жангни бой берди
Нью Йорк Таймс хабар беришича, Польшада ўтказилаётган ёшлар ўртасидаги жаҳон биринчилигида эронлик эркин курашчи Алиризо Карими-Махиани россиялик спортчи Алихон Жаброилов билан бўлиб ўтган жангни атайин ютқизиб берди.
Деярли бутун жанг давомида пешқадамлик қилиб турган Карими-Махиани бирдан рақибига қаршилик кўрсатмай кўйиб ғалабани россиялик спортчига қўш-қўллаб топшириб қўя қолди. Эронлик курашчининг айтишича, агар у россиялик курашчи устидан зафар қозонганда кейинги босқичда исроиллик спортчи Ури Калашников билан беллашиши керак эди. Айнан шу сабабдан Карими-Махианинг мураббийи ўз шогирдини россиялик курашчига жангни бой беришга мажбурлаган. Тақдир тақозоси билан учинчи ўрин учун бўлиб ўтадиган жангда эронлик курашчига яна ўша исроиллик спортчи дуч келди. Аммо эронлик полвон бу сафар ҳам жанг қилишдан бош тортди.