Туркиянинг 17 та олий ўқув юрти жаҳонда энг яхшилардан деб топилди
Туркия университетлари жаҳоннинг энг яхши университетлари қаторига киритилди.
2017 йилда Туркиянинг 17 та университети жаҳондаги 10 та академик рейтингларнинг 6 таси томонидан энг яхши университетлар рўйхатига киритилди, дейилади Яқин Шарқ университетининг (ODTÜ) Информатика институти тайёрлаган докладда.
ODTÜ экспертларининг «Академик ўзлаштириш бўйича университетлар рейтинги» (URAP) номли докладида Туркиядаги 160 олий ўқув юртининг жаҳон рейтингида тутган ўринлари кўрсатилган. Ҳужжатга кўра, улардан 17 таси энг яхши университетлар сифатида 10 та бутунжаҳон рейтинглар тизимидан камида олтитаси томонидан эътироф этилган.
Энг юқори ўринларни ODTÜ, Истанбул, Хожатўпа, Анқара ва Ғозий университетлари эгаллаган, улар юқорида тилга олинган ўнта рейтингнинг барига кирган.
Босфор, Билкент, Эржиес, Мармара ва «9 сентябр» университетлари эса жаҳондаги 10 рейтингдан 8 тасига кирган.
Йилдиз техника университети, Коч ва Акдениз университетлари етти рейтингда, Эгей, Сабанжи, Иқтисодиёт ва технологиялар (ТОВВ) университетлари эса 10 рейтингдан 6 таси томонидан эътироф этилган.