АҚШнинг пул бермайман деган пўписасига Фаластиннинг жавоби
Фаластин АҚш президенти Доналд Трампнинг мамлакатга молиявий ёрдамни тўхтаман деган пўписасидан қўрқмаслигини айтди.
Бу ҳақида AFP хабар бермоқда.
«Қуддус — Фаластин давлатининг мангу пойтахти. Шаҳар олтину миллиардларга сотилмайди», — деди Фаластин раҳбарининг матбуот котиби Набил Абу Рудайн агентликка берган интервьюсида.
Маълумотларга кўра, гап ҳар йили бериладиган $300 млн маблағ устида кетяпти.
Аввалроқ Трамп Исроил билан тинчлик музокараларини давом эттиришни истамагани учун Фаластинга молиявий ёрдамни тўхтатиш таклифи билан чиққанди.