«Анадолу» агентлиги дипломатик журналистика борасида тажрибалари билан ўртоқлашади
«Анадолу» агентлиги ўтказаётган журналистика дарсларида Украина, Тожикистон, Ўзбекистон, Қирғизистон, Грузия, Озарбайжон, Мўғулистон ва Қозоғистон журналистлари иштирок этадилар.
Анқарада 5 февралдан 16 февралгача дипломатик журналистика соҳасида репортёрлар тайёрлаш курслари бўлиб ўтади.
Таълим дастури «Анадолу» ахборот агентлигининг Янгиликлар академияси ва Туркия ҳамкорлик ва мувофиқлаштирув агентлиги (TİKA) ҳамкорлигида ташкил этилган.
Курсларда Украина, Тожикистон, Ўзбекистон, Қирғизистон, Грузия, Озарбайжон, Мўғулистон ва Қозоғистон журналистлари иштирок этадилар.
Дастурдан мақсад халқаро сиёсатнинг асосий йўналишларини биладиган, дипломатия ва энергетика соҳасидаги ҳодисалардан хабардор журналистларни тайёрлашдир. Бу, ўз навбатида, Марказий Осиё ва Жанубий Кавказдаги ҳодисаларни янада самарали кузатиб бориш имконини беради.
Бундан ташқари, курслар Марказий Осиё ва Кавказ давлатларидан келган репортёрларга дипломатик журналистика соҳасида ягона тармоқни юзага келтиришга ёрдам беради. Дастур иштирокчиларига, шунингдек, Туркиянинг ҳудудий сиёсати борасида ҳам ахборот берилади.
Дастур амалий ва назарий қисмларга ажратилган бўлиб, жаъми 78 соатга мўлжалланган.