Шотландиялик сиёсатчи исломофобларга ҳукумат эътиборини қаратмоқчи
Шотландиялик сиёсатчи ҳукумат ва жамоатчиликни кундалик исломофобияга эътибор қаратишга чақирди. Бундай исломофобия ҳатто унинг ўзига ҳам мансаб пиллапояларидан юқорилашида халақит берганини таъкидлади.
Шотландия парламенти аъзоси Анас Сарвар (покистонлик мусулмон) Шотландия лейбористлар партияси раҳбари лавозимига номзодини қўйди, аммо 43% овоз олиб, рақиби Ричард Леонардга ютқазиб қўйди.
Сарварнинг сўзларига кўра, куни кеча лейборист сиёсатчи Дэви Маклахан унинг номзоди учун овоз беришни истамаганини айтган. «Шотландия жигарранг мусулмон покистонликни йирик партиянинг бошига кўтаришга тайёр эмас» деган Дэви очиқчасига. Бу ҳақида Al Jazeera канали хабар бермоқда.
Бундан ташқари, Сарварнинг сўзларига кўра, рафиқаси Фахрин ҳижобдаги суратини эълон қилгач, унга кўплаб нохуш шарҳлар ёзилган.
«Сексизм ва гомофобия билан бир қаторда бизда ирқчилик ва исломофобия ҳам бор», деди исломофобияга қарши парламент махсус комиссиясини тузган сиёсатчи.
Таъкидлаш жоиз, Сарварнинг отаси Муҳаммад 1977 йили Буюк Британия парламентидаги биринчи мусулмон депутат бўлган эди.