Сурияда қачон тинчлик бўлади?
БМТнинг қочқинлар масалалари бўйича олий комиссари Филиппо Гранди Сурияда сиёсий йўл билан тинчлик ўрнатиш жараёнларини самарасизлиги учун танқид қилди.
Иорданияга ташрифи чоғида Гранди «Затери» қочқинлар лагерини бориб кўрди ва у ерда матбуот анжумани ўтказиб, суриялик қочқонлар аҳволини шарҳлади.
«Ҳар ким ўзидан уруш қачон тугайди деб сўрасин. Биз бугун Иордания, Туркия, Ливан, Миср ва бошқа мамлакатларда яшаётган беш миллион қочқинни унутмаслигимиз керак», деди у.
Унинг сўзларига кўра, яқин вақтда Брюсселда қочқинлар масалалари бўйича конгресс ўтказилиши режалаштирилмоқда.
Олий комиссарнинг айтишича, БМТ ушбу конгрессни ўтказиш учун қочқинлар энг кўп яшаётган мамлакатларга, жумладан, Туркия, Ливан ва Иорданияга кўмак сўраб мурожаат қилади.
Гранди якшанба, 11 феврал куни Иорданияга етиб келган эди. Бугун унинг Туркияга бориши кутилмоқда. Расмий маълумотларга кўра, Иорданияда 1,3 миллион суриялик қочқин истиқомат қилади.
Фото: italoamericano.org