Моди: Мусулмоннинг бир қўлида Қуръон, иккинчисида компютер бўлиши керак
news18.com
Ҳиндистон Бош вазири Нарендра Моди Ҳиндистон ёшлари Ислом динининг инсонийлик жиҳатлари билан боғлиқ бўлиши кераклигини, айни пайтда, замонавий технологиялардан ҳам фойдалана олиши кераклигини айтди.
1 март куни Ислом меъроси мавзусига бағишлаб Ҳиндистонда уюштирилган анжуманнинг тантанали очилишида чиқиш қилган Нарендра Моди терроризм ва радикаллашувга қарши курашиш ҳеч бир динга зид эмаслигини таъкидлаб, ёшларнинг ёмон йўлларга кириб қолишига қарши эканини урғулади. Ҳиндистон Бош вазири мамлакат ёшлари замон билан собитқадам бўлиши кераклигини айтди.
“Мусулмон ёшларининг бир қўлида Қуръон, иккинчисида компютер бўлиши керак”, - дея сўзига қўшимча қилди Ҳиндистон бош вазири.
Анжуманда иштирок этаётган Иордания Қироли Абдуллоҳ II: “Дин номидан уюштирилган ҳужум – динга қарши уюштирилган ҳужумдир. Дин номидан нафрат тарқатаётган шахсларнинг кимлиги аниқланиши ва рад этилмоғи лозим”, - дея баёнот берди Иордания Қироли.