Ватанига қайтган «жиҳод келинлари» бошидан кечирган қора кунлар ҳақида сўзлаб беришди
Трансляриум
Буюк Британияда шифокор аёл ва унинг спортчи эри ИШИД га қарши уруш эълон қилган.
Улар Яқин Шарқдаги «қайноқ нуқталардан» келган «жиҳод келинлари» ва «қора бевалар» билан суҳбатлашиб эмин-эркин ҳаётга қайтишлари учун кўмақлашмоқда. Балоғат ёшида Ислом динини қабул қилган шифокор терапевт Анжела Мисра Сурия ва Ироқдан қайтган хотин-қизларни радикал оқимлар гирдобидан халос этиш дастурининг асосчисидир. Унинг ва эрининг мазкур ташаббусини Буюк Британия ҳукумати қўллаб-қувватламоқда. Мисра хоним айтишича, у ҳар куни даъволанаётган аёлларни ИШИД лагерларида ҳукм сураётган таҳликали вазият ва жангариларнинг ғайриинсоний одат ва қилиқлари тўғрисидаги айтилаётган сўзларни сабр ила тинглайди. Унинг эри Усмон Ража эса, собиқ жангарилар ва уларга хайриҳоҳлик билдирган ёшларни спорт залига таклиф қилиб бор куч-ғайратини жисмоний машғулотларга сарфлашга ундамоқда. Эр-хотининг фикрича, 98% ҳолатларда уларнинг услуби иш бермоқда.
Манба: IslamNews